"Birinchi o'rinda "Paxtakor"ga iliq kutib olgani uchun rahmat aytmoqchiman. Uchrashuvga kerakli darajada tayyorgarlik ko'rdik. "Paxtakor"da ham g'alabaga intilish kuchli bo'lish tabiiy, chunki hali yutmagan. Bizni esa o'z rejalarimiz bor. Buni ertaga amalga oshirishga harakat qilamiz", – deydi Serdar Geldiev.
"O'yinga yaxshi tayyorgarlik ko'rdik. "Paxtakor"ni tahlil qildik. Murabbiyimiz aytganidek, o'yinga qo'yilgan vazifani maksimal darajada bajarishga urinib ko'ramiz", – deydi Elman Tagaev.
- "Axal" guruhdagi qolgan jamoalarga nisbatan kuchsiz bo'lsa-da, ilk turda sensaciya qayd etib, "Al Fayha"dan ustun keldi. Bu shunchaki tasodifmi yoki raqiblarning etarlicha baho bermaganidanmi?
- Sensaciya deyish noo'rin deb o'ylayman, chunki biz o'tgan yili ham OCHLda kuchli raqib ustidan g'alaba qozongan edik. Albatta, ilk turda o'z maydonimizdagi birinchi o'yinda g'alaba qozonish yoqimli bo'ldi. Aytishim mumkinki, bizning o'z o'yinimiz va rejalarimiz mavjud.
- Futbolchi Elman Tagaevga savol. Siz O'zbekistonda "Andijon" va "Navbahor" jamoalarida to'p tepgansiz. "Paxtakor" tarkibidagi futbolchilarni yaqindan bilasiz. SHaxsan siz uchun o'zbek jamoalariga qarshi o'ynash qanday taassurotlar beradi?
- Albatta. "Paxtakor" safidagi Aziz Turg'unboevni yaxshi bilaman. U bilan "Navbahor"da qisqa vaqt birga to'p tepganman. Bundan tashqari, "Paxtakor"da terma jamoa futbolchilari ham ko'pchilikni tashkil qiladi.
"Barcha jamoalarda guruhdan chiqish uchun imkoniyat saqlanib qolgan. Biz har bir raqibga qarshi o'z o'yinimizni ko'rsatishga harakat qilamiz", – dedi Geldiev.
"Paxtakor" – "Axal" uchrashuvi ertaga 19:00 da boshlanadi.
Bosh sahifaga
169