"Manchester Yunayted", "Manchester Siti", "Liverpul" va "Barselona" jamoalari "Bavariya" yarim himoyachisi Joshua Kimmixga qiziqmoqda. Bu haqda "One Football" xabar bermoqda.
Futbolchining Myunxen klubi bilan shartnomasi 2025 yilning iyunigacha amal qiladi. Boshqa klublarning fikricha, nemis futbolchisi endi daxlsiz emas, chunki tomonlar shartnomani uzaytirmaydi.
"Manchester Yunayted" yanvar oyidayoq Kimmix bo'yicha taklif bilan chiqishga tayyor, ammo "rekordmayster" buni qishda ko'rib chiqishi dargumon. Agar tomonlar kelishuvni uzaytirish bo'yicha muzokara qilmasa, futbolchining yozda ketishi ehtimoli katta.
28 yoshli xavbek joriy mavsum barcha musobaqalarda 20 ta o'yinda qatnashib, 1 ta to'p kiritdi va 6 ta golli pas uzatdi.
Bosh sahifaga
112