YANGILASH
Qura Malayziya poytaxti Kuala-Lumpurdagi OFK Bosh qarorgohida tashkil etiladi. Marosimda "Navbahor" sport direktori Abdumalik Umrzoqov, "Nasaf" Xalqaro aloqalar va licenziyalash bo'limi mutaxassisi Qobiljon SHodmonov hamda "Nasaf" sport direktori Botir Qoraev ishtirok etadi.
Quradan avval jamoalar 2 ta savatga ajaratiladi:
*guruh g'oliblari (5ta);
*guruhdagi eng yaxshi ikkinchi jamoalar (3ta).
Qura marosimi boshlanishida savatlardagi jamoalar sonini tenglashtirish uchun 1-savatdan 1 ta istalgan sharcha tortilib, 2-savatga solinadi.
Nimchorak finalda guruh bosqichida o'zaro raqib bo'lgan jamoalar to'qnash kelmaydi. Yani "Al Hilol" – "Navbahor" qarama-qarshiligini ko'rmaymiz.
2-savatchadagi jamoalar nimchorak finalning dastlabki uchrashuvlarini o'z maydonlarida qabul qilishadi. Mazkur bahslar 12-13 fevral kunlari bo'lib o'tishi rejalashtirilgan.
OFK CHempionlar Ligasi reglamentiga ko'ra, bir mamlakatning ikki jamoasi pley-off bosqichida o'zaro to'qnash kelishi mumkin va biz nimchorak finalda "Nasaf" – "Navbahor" to'qnashuvini ham ko'rishimiz mumkin.