O'tgan mavsumdagi o'yinlari bilan muxlislarning hurmatiga sazovor bo'lgan yarim himoyachi Farhod Mirahmatov "Qo'qon-1912" bilan kelishuvini yana 1 yilga uzaytirdi. SHuningdek, jamoa himoyachi Aleksandr Merzlyakov bilan yangi 1 yillik shartnoma tuzdi.
"Birinchi navbatda, barchaga kirib kelayotgan yangi 2024 yil muborak bo'lsin. Kelayotgan yil barcha uchun omadli o'tishini tilab qolaman. "Qo'qon-1912" jamoasi bilan yangi shartnoma imzolaganimdan juda ham xursandman. Jamoa bilan 8 yildan beri birgaman va Qo'qon men uchun ikkinchi uyimga aylanib qolgan deb aytsam xato bo'lmaydi. Kelasi yil "Qo'qon-1912" jamoasi har tomonlama kuchayishiga harakat qilamiz va Pro ligada birinchi o'rinni qo'lga kiritib, Superliga yo'llanmasini qo'lga kiritamiz", – dedi Merzlyakov.
Malumot o'rnida, Mirahmatov o'tgan mavsum qo'qonliklar libosida 14 ta o'yinda qatnashgan bo'lsa, Merzlyakov 21 ta o'yinda maydonga tushib, 1 ta gol va 1 ta golli pasga mualliflik qildi.
Bosh sahifaga
188