Osiyo Kubogida Livanni chernogoriyalik mutaxassis Miodrag Radulovich boshqaradi. O'zbekistonlik muxlislarga tanish bo'lgan Radulovich Qatardagi turnirda O'zbekistonning imkoniyatlari va Livanning maqsadini gapirdi.
"Men o'zbek futbolining darajasini baland baholayman. Osiyo Kubogida terma jamoangiz yaxshi natija qayd etishiga shubham yo'q. O'zbekiston terma jamoasini musobaqa favoritlaridan biri, deb ayta olaman. Hozirgi kunda sizlarda yaxshi tarkib jamlangan va kelayotgan Osiyo Kubogida avvalgi tarixiy natija yangilansa, hayron bo'lmayman.
Livanga musobaqa boshlanishiga ikki hafta qolganda etib keldim. Musobaqadagi maqsadimiz munosib ishtirok etish. Asosiy maqsadimiz mart va iyun oyidagi JCH saralashida munosib natija ko'rsatish. Yozda Falastin va Bangladeshga qarshi o'ynaymiz. Ularni mag'lub etishimiz kerak",- deydi Radulovich.
Malumot uchun, Livan Osiyo Kubogida Qatar, Xitoy, Tojikiston bilan "A" guruhida kuch sinashadi.
Bosh sahifaga
124