O'zbekiston terma jamoasi allaqachon Qatardagi mashg'ulotlarini boshlab yuborgan. Milliy jamoamiz hujumchisi Igor Sergeev bugungi mashg'ulotlar oldidan Championat.asia sayti jurnalisti savollariga javob berdi.
- Tez orada Osiyo kubogi start oladi. Turnirdan oldin terma jamoamiz asosiy hujumchisi Eldor SHomurodovni yo'qotdik. Bu terma jamoaga qanday tasir o'tkazadi. Eldorning o'rnini kim bosishi mumkin?
- Eldorning yo'qligi albatta katta yo'qotish. U bizning sardorimiz, etakchimiz. Kim uning o'rnini bosishini men hal qilmayman. Bu narsani bosh murabbiy raqibning uslubiga qarab belgilaydi. Bizda juda ko'p yaxshi hujumchilar bor.
- Siz o'zingiz haqingizda aytyapsizmi? (hazil ohangida)
- Yo'q, albatta. Bobir, Aziz Amonov - zo'r hujumchilar. Ularning barchasi legioner hisoblanishadi. SHomurodovning o'rniga kim maydonga tushishini bilmadim, ammo Eldorning yo'qligi katta yo'qotish. Harakat qilamiz, bu futbol. Kutilmagan jarohatlardan hech kim kafolatlanmagan.
- Birinchi turdagi raqib Suriya terma jamoasi. Ularning bosh murabbiyi O'zbekiston termasi sobiq ustozi Ektor Kuper. Suriya nashrlari Kuper va uning jamoasi O'zbekistondan "qasos" olishga harakat qilishi haqida yozmoqda. SHu jihatdan olib qaralsa, sizda bu o'yinga qo'shimcha motivaciya bormi?
- Bu Osiyo kubogidagi birinchi o'yin. Kim murabbiy bo'lishini, qaysi jamoaga qarshi o'ynashning nima farqi bor. Bu birinchi o'yin. Har qanaqasiga ham borimizni berishimiz aniq. Qasos yoki shunga o'xshash so'zlarga tushunmadim, to'g'risi. Biz bor kuchimiz bilan o'ynaymiz. Suriya qanday harakat qiladi, bu ahamiyatsiz. Agar ularda qandaydir xafagarchilik bo'lsa, bu yanada yaxshi. CHunki, hayolida futboldan boshqa narsa bor o'yinchi ko'p holatlarda yaxshi harakat qilolmaydi. SHunday ekan, bu mazmundagi gaplarga unchalik ham qo'shilmayman. Bu Osiyo kubogi! Nima farqi bor qaysi o'yin. Maydonga tushish va u erda jon berish kerak.
- 2015 yilgi Osiyo kubogining birinchi o'yinida siz kiritgan yagona gol O'zbekistonga g'alaba taqdim etgan. Birinchi turda Suriya kabi jamoaga qarshi o'ynash siz uchun qanchalik qiyin bo'ladi. Sababi, ular ham asosan himoyadan harakat qilishadi...
- Buni bilaman. Hech qaysi raqibga qarshi o'yin oson bo'lmaydi. Birinchi golga kelsak, kim urishining ahamiyati yo'q, g'alaba qozonsak bo'ldi. Yakkama yakka holatga chiqsam va yonimdagi sherigim 100% lik vaziyatda bo'lsa, yaxshisi men to'pni unga oshiraman. Qiyin bo'lishi aniq, hamma borini beradi.
Bosh sahifaga
188