O'tgan mavsum ikkinchi davrasida "Neftchi"da to'p tepgan futbolchi endilikda "lochinlar" sharafini himoya qiladi. Nikabadze "Al Ittihod" bilan o'yin oldidan fikrlari bilan o'rtoqlashdi.
- "Navbahor"ga qanday qilib kelib qoldingiz? Yangi jamoangiz haqidagi dastlabki taassurotlar bilan o'rtoqlashsangiz...
- Intervyuga taklif qilganingiz uchun rahmat. Yangi jamoamda barchasi yaxshi va yoqimli. "Navbahor" tomonidan taklif bo'ldi. Taklifni o'rganib chiqib rozi bo'ldim. SHartnoma imzoladik. Bor gap shu.
- "Neftchi"dan ketishingizni sababi nimada?
- Bu haqida gapirishni istamayman. Men barcha etiborimni oxirigacha "Navbahor"ga qaratganman. "Navbahor" bilan barcha musobaqalarda g'olib chiqmoqchimiz.
- Moslashish qiyin kechmayaptimi?
- "Navbahor"da ahil oila yig'ilgan. Bu erga kelgunimga qadar Toma Tabatadzeni bilar edim. SHu bois moslashishda muammoga duch kelmadim.
- Oldinda "Al Ittihod"ga qarshi uchrashuv kutmoqda. Bizda hali chempionat boshlanmagan. Bu omil rasmiy o'yinlarda pand bermaydimi?
- "Al Ittihod"ni qanday raqibligini va kuchini yaxshi bilamiz. Lekin mag'lub bo'lmaydigan jamoa yo'q. Bu to'siqni engib o'tish uchun bor imkoniyatimizni ishga solamiz.
- Raqib tarkibida mahoratli va tajribali nomlar ko'p. "Navbahor" "Al Ittihod"ning ustunligini qanday qilib yo'qqa chiqarishi mumkin?
- "Navbahor" o'z oldiga yuqori maqsadlarni qo'ygan. SHu bois har qanday raqibni yutishimiz kerak.
- "Neftchi" va "Paxtakor"ga qarshi o'yinlar "Navbahor" uchun principial ahamiyatga ega. Siz qaysi to'qnashuvni ko'proq kutyapsiz?
- CHempionlik yo'lida har bir raqib muhim hisoblanadi. Mavsum boshlanishini intizorlik bilan kutyapman.
Bosh sahifaga
204
12 Fevral 2024, 08:29