Olmaliqning OKMK klubi jamoada bir necha kundan beri ko'rikdan o'tayotgan yaponiyalik futbolchi bilan shartnoma imzolaganini malum qildi. Arihiro Sentoku yangi mavsumdan olmaliqliklar safida harakat qiladi.
"Transfer oynasi yopilishiga sanoqli onlar qolishiga qaramay Olmaliq klubi selekciya ishlarini jadallik bilan davom ettirmoqda.
Jamoamizning Turkiyadagi yig'inida 25 yoshli yaponiyalik Arihiro Sentoku ko'rikdan o'tdi va uning harakatlari murabbiylar shtabiga maqul keldi. 1998-yil 12-dekabrda Yaponiyaning Fukuoka shahrida tavallud topgan Arihiro Sentoku "konchilar"ning rasman futbolchisiga aylandi va tomonlar o'rtasida 3 yillik shartnoma imzolandi.
OKMKning yangi legioneri faoliyati davomida «Kom», «Podgoritsa», «Iskra», «Rudar» (barchasi CHernogoriya), «Vozdovats» (Serbiya) kabi klublarda to'p tepgan. SHuningdek, yarim himoyachi butun faoliyati davomida 176 ta o'yinda maydonga tushib 18 ta gol urgan va 3 ta golli uzatmani amalga oshirgan", -deyiladi OKMK bergan rasmiy xabarda.
OKMK safida yaponiyalik futbolchi ko'rikdan o'tmoqda
Bosh sahifaga
223