"Yuz bergan holatda stadion xodimlari va O'zbekiston futbol associaciyasi masullarining har qancha ogohlantirishlariga qaramay, bu shaxslar o'z bilganlaridan qolmadilar.
Futbol maydonida tartibsizlikni yuzaga keltirgan shaxslar huquqni muhofaza qiluvchi organ xodimlarining qonuniy talablarini bajarmay, ularga ham qarshilik ko'rsatdilar. SHundan so'ng ular darhol CHilonzor tumani ichki ishlar organlari faoliyatini muvofiqlashtirish boshqarmasiga olib kelindi. Tartibbuzarlarning 6 nafari voyaga etmagan shaxs bo'lganligi sabab Mamuriy javobgarlik to'g'risidagi kodeksning 47-moddasiga binoan ularning ota-onasiga nisbatan mamuriy bayonnoma rasmiylashtirilib, jarimaga tortildi.
Qolgan 3 nafar shaxs yuzasidan ham mamuriy bayonnoma tuzildi va qonuniy qaror qabul qilish uchun Jinoyat ishlari bo'yicha tuman sudiga yuborildi. Sud tomonidan qoidabuzarlarning 2 nafari N.A. va K.R. Mamuriy javobgarlik to'g'risidagi kodeksning 183 va 194-moddalariga binoan 5 sutkadan, M.M. esa 7 sutka mamuriy qamoq jazosi tayinlandi", – deyiladi Toshkent shahar IIB xabarida.
Malumot o'rnida, 26 mart kuni "Bunyodkor" stadionida JCH-2026 2-saralash bosqichi doirasidagi O'zbekiston – Gonkong (3:0) bellashuvi o'tkazildi. Ushbu uchrashuvdan so'ng o'nlab muxlislar maydonga yugurib chiqishdi. Endilikda O'FA OFK tomonidan o'rnatilgan yirik miqdordagi jarimalarni to'lashi kerak bo'ladi.
Bosh sahifaga
244