- O'yin haqida
- Yaxshi o'yin o'tkazdik deb o'ylayman. Futbolchilarim bugun kuchli raqibga qarshi yaxshi harakat qilishdi. Golli vaziyatlarimiz bo'ldi, hujumlarni yakunlashda kamchiliklarimiz bor, davomida buni to'g'rilaymiz. "Mashal" vakillari ham yaxshi harakat qilishdi. Hujumchilarimizda jarohat bor, ularga to'liq tiklanib olishlari uchun vaqt kerak.
- Terma jamoa safiga klubdan 10 nafar futbolchi jalb etildi. Bu holat bugungi o'yin natijasiga tasir ko'rsatdi deb hisoblaysizmi?
- Yo'q, bugungi o'yinda buning tasirini sezmadim. Balki keyinroq ko'rinib qolishi mumkin. Ketma-ket o'yinlar baribir futbolchilarga o'z tasirini ko'rsatadi.
- Darvozabon Samandar Muratbaev oxirgi o'yinlarda yaxshi harakat qilayapti. Uning o'yini borasida fikringiz qanday?
- Samandar o'zi yaxshi ko'rsatayapti. Bizda hozir 3 nafar iqtidorli darvozabonlar bor. SHuning evaziga jamoada sog'lom raqobat yuzaga kelayapti. Samandar Muratbaev o'z ustida ishlashda davom etsa, kelgusida milliy terma jamoaning asosiy darvozaboniga aylanishi mumkin.
- Qanot futbolchilariga etiroz yo'qmi?
- Yo'q, ular berilgan vazifani yaxshi uddalashdi. Murodjon Komilov va Daler Tuxsanovni CataPult orqali kuzatib bordim, o'yin davomida jami 12 kilometrdan ko'proq masofani bosib o'tishdi. Gol urishganida, bu o'zlariga bo'lgan ishonchni yanada ortishiga sabab bo'lardi.
Bosh sahifaga
251