- O'yin haqida...
- "Qo'qon-1912" jamoasini g'alaba bilan tabriklayman. Ular bunga haqli edi. Tezkor gol o'tkazib yuborganimiz jamoaga tasir qildi. Uzoq masofadan yo'llangan zarba darvozabonimizni aybdor qila olmayman. Sirpanchi maydonda u to'p yo'nalishini aniq baholay olmadi. O'yinni kuchaytirishga harakat qilamiz deganimizda ikkinchi golni ham qabul qilib oldik. Menimcha, uchinchi golda to'p darvoza chizig'ini kesib o'tmagandi, biroq hakamlarning qarori boshqacha bo'ldi. Takroriy vaziyatni ko'rib chiqdik. Ikki himoyachimiz chiziq ustida turgandi. Darvozabonimiz to'pni qo'lidan chiqarib yuborgan taqdirda ham o'yinchilarimizga tegardi. Bu holatda qanday qilib gol bo'lishi mumkin? Ikkinchi taymda o'yinni jonlantirdik, ammo vaziyatlardan foydalana olmadik. Hayot davom etadi. 0:3 hisobida mag'lub bo'lish, albatta, achinarli. Kelgusi o'yinlarga tayyorgarlik ko'ramiz.
- "Xorazm" avvalgi o'yinlarga nisbatan sust harakat qildi, bunga sabab nima?
- "Qo'qon-1912", "Buxoro" kabi jamoalar Superligaga davogar sanaladi. Biz hozircha turnir jadvalining yuqori pog'onalarida yurgandirmiz, biroq avval aytganimdek, har bir o'yinga alohida tayyorlanish kerak. O'yinni tahlil qilamiz. Mag'lubiyat kutilmagan zarba bo'ldi.
- "Xorazm" mavsum avvalida tarkibni shakllantirib, bir qator kuchli futbolchilarni dalb qildi. Jamoaga Superligaga chiqish vazifasi qo'yilganmi?
- Rahbariyat tomonidan bizga vazifa qo'yilmagan. Lekin yuqori o'rinlarni egallash uchun harakat qilamiz. Jo'jalarni ko'zda sanaymiz.
Bosh sahifaga
195