ECHL. "Barselona" Parijda PSJni taslim etdi!

Bo'ldi, Entoni Teylor final hushtagini chaldi va "Barselona" safardan g'alaba bilan qaytadigan bo'ldi.

90+3-daqiqa. Burchak zarbasidan esa naf chiqmadi. 

90+2-daqiqa. Arauxo Mbappening zarbasi yo'liga qalqon bo'ldi.  

90-daqiqa. Bellashuvning asosiy vaqtiga 4 daqiqa qo'shib berildi.

88-daqiqa. Ogohlantirish! Kristensen Zair-Emerini to'xtatishning boshqa imkonini topa olmadi.  

86-daqiqa. O'zgarish! Ilkay Gyundogan o'rniga Fermin Lopes maydonga tushirildi!

84-daqiqa. Jarima maydonchasiga kirib ketayotganida Vitinya yiqildi, mezbonlar Teylorga yuzlanishdi... Biroq hakam o'yinni davom ettirish zarurligini ko'rsatdi. 

82-daqiqa. Ogohlantirish! Pau Kubarsi qo'polligi uchun kartochkaga loyiq ko'rildi. 

81-daqiqa. "Barselona" sekin-asta to'p nazorati evaziga raqibning shashtini tushirishga urinmoqda. 

78-daqiqa. PSJning hujumi oxiriga etmay qoldi. Aniqrog'i o'sha oxirgi zarbani beradigan futbolchi topilmadi.

77-daqiqa. GOOOOOOL! Yana, yana... Boya Pedri maydonga tushiboq, golli pas bergandi. Endi Kristensen 1 daqiqa o'tar-o'tmas, "Barsa"ni oldinga olib chiqmoqda!

75-daqiqa. O'zgarishlar! Rafinya o'rniga Ferran Torres, de Yong o'rniga esa Kristensen o'yinga qo'shildi.  

74-daqiqa. Joau Feliks uzoq masofadan zarba berib ko'rdi, Jijji to'pni ushlab oldi.

70-daqiqa. Arauxo ancha xavfli vaziyatda jamoasini qutqarib qoldi.

69-daqiqa. Vitinya jarima maydonchasiga yaqin zonada Levandovskini qoidani buzib to'xtatdi, deb topildi. Mehmonlarning bosimiga qaramay, Entoni Teylorning ikkinchi sariq berish niyati yo'q.

68-daqiqa. PSJ pressing evaziga to'pni tezda qaytarib oldi.  

65-daqiqa. Ogohlantirish! Feliksga nisbatan fol uchun Vitinyaga kartochka ko'rsatildi. 

62-daqiqa. GOOOOOOOL! Hozirgina maydonga tushgan Pedrining ajoyib uzatmasidan keyin Rafinya dubl qayd etmoqda - 2:2. 

61-daqiqa. O'zgarishlar! Lamin Yamal va Serxi Roberto o'rniga Pedri hamda Joau Feliks o'yinga qo'shildi.

59-daqiqa. PSJ futbolchilari shoshilmay to'pni o'z nazoratlarida ushlab turishibdi.

55-daqiqa. Qarshi hujumda endi Barkolya to'pni darvozaga yo'llashi hech gap emasdi. 

50-daqiqa. GOOOOOOOL! Birinchi golni o'tkazib yuborib, o'ziga kelib ulgurmagan "Barsa" yana "tarsaki edi". Fabian Ruisning nozik uzatmasidan keyin Vitinya ohista zarbasi bilan ter SHtegenni xafa qildi. 

48-daqiqa. GOOOOOOOL! Usmon Dembele ajoyib zarbasi bilan muvozanatni tikladi!

47-daqiqa. Hamma Mbappega uzatma kutganida, zarba berib, gol urib ketmoqchi bo'lgan Vitinya mo'ljaldan ancha adashdi. 

46-daqiqa. Ikkinchi bo'lim start oldi!

Tanaffusdan Marko Asensio qaytmadi, uning o'rniga o'yinni Bredli Barkolya davom ettiradi.

45+2-daqiqa. Bo'ldi, hakam bo'lim yakunlanganini bildiruvchi hushatagini chaldi va "Barselona" tanaffusga g'olib sifatida chiqib ketdi. 

45+1-daqiqa. Rafinya rivojlantirgan qarshi hujumni Lamin Yamal gol bilan yakunlashi mumkin edi, ammo... 16 yoshli yigitcha bu erda noto'g'ri qaror qabul qildi. 

45-daqiqa. Birinchi bo'limning asosiy vaqtiga 2 daqiqa qo'shib berildi. 

45-daqiqa. Zarbasi qovushmagan Levandovski o'yindan tashqari holatda edi.

41-daqiqa. PSJ raqib darvozasiga yo'l izlamoqda, lekin hozircha buning imkonini topa olmayapti.

37-daqiqa. GOOOOOOL! Rafinya kerakli vaqtda, kerakli joyda paydo bo'ldi va mo'ljalda adashmadi. 

34-daqiqa. Ogohlantirish! Tezkor qarshi hujumni to'xtatib qolgani uchun Serxi Roberto sariq kartochka ishlab oldi.

28-daqiqa. Mbappe bilan bir nechta qisqa masofadagi uzatmalardan keyin qulay vaziyatga chiqqan Li Kan In kuchli zarba yo'lladi, Ter SHtegen qiyinchilik bilan bo'lsada, xavfni bartaraf etdi. Qaytgan to'pga Mbappe otilib chiqib kelayotganida himoyachi unga nisbatan keskin o'ynadi, lekin... Kilian o'yindan tashqari holatda bo'lganligi tufayli, qolgani bekor.

24-daqiqa. Endi qarshi hujumga yuguraman deyotganida Mbappe qoida buzgan bo'lib chiqdi. 

23-daqiqa. Rafinya jarima maydonchasiga yaqin hududdan darvozaga kuchli va aniq zarba yo'llagandi, ammo Donnarumma ham ishonchli o'yin ko'rsatdi. 

21-daqiqa. Donnarumma to'pga eta olmagach, Levandovski uni darvozaga tashlab qo'yayotgandi, lekin so'nggi pallada Mendesh hisob ochilishiga yo'l qo'ymadi. Takroriy urinishlardan keyin ham "Barsa" maqsadiga eta olmadi.  

19-daqiqa. Avvaliga Mendesh raqiblarini dribling evaziga chiroyli tarzda dog'da qoldirib, jarima maydonchasiga yorib kirgandi, lekin zarba berishga imkon berishmadi. To'p olib qo'yilgach, Yamal biz ham to'pni boshqarishni bilamiz degandek qildi.  

17-daqiqa. Levandovskiga nisbatan Beraldo o'yin qoidasini buzgan deb topildi. 

15-daqiqa. Kubarsi Dembelening zarbasi yo'liga to'g'anoq bo'ldi. Mezbonlar burchak zarbasidan naf chiqara olishmadi.  

14-daqiqa. Braziliyalik futbolchi oqsoqlagancha, ammo hech kimning yordamisiz, maydonni tark etdi.

12-daqiqa. Rafinya jarohat sabab maydonda yotibdi. Hakam o'yinni to'xtatdi. 

Stadionda "Barsa" va PSJ sobiq futbolchisi Ronaldino o'yinni jonli kuzatmoqda.

10. ZARBAA! Asensioning xavfli zarbasini ter SHtegen egallab oldi. 

9.   Usmon Dembele o'ng qanotda juda faol

7. Birinchi aniq zarba Li Kan In nomiga yuzildi. Koreyalik futbolchining zarbasini ter SHtegen muammosiz egallab oldi.

5. ZARBA!  Kilian Mbappe raqib jarima maydoni ichida zarba berdi, ammo biroz noaniq.

4. Usmon Dembele sobiq jamoasiga qarshi o'yinda aktiv harakat qilmoqda.

1.O'yin boshlandi.