Oradan 15 yil o'tdi. Leo Messi “Barselona”ga kelganda 13 yoshda edi. Biz shu munosabat bilan uning faoliyatidagi 15ta eng muhim voqealarni taqdim etamiz.
1. 2001 yilning fevralida Messi “Barselona”ning yoshlar jamoasida debyutini o'tkazgan. “Ebre Escola Esportiva”ga qarshi ikkinchi o'yinda kichik boldir suyagini sindirib olgan edi. Usha paytlarda akademiyada Leodan tashqari Sesk va Pikelar ham tarbiyalanar edi. Oradan 15 yil o'tgan bo'lsa ham Sesk-Messi-Pike eng yaqin do'stlar bo'lib qolishgan.
2. 2003 yil 17 noyabr, 16 yosh 145 kunligida, Frank Raykaard Messini “Portu”ga qarshi o'rtoqlik uchrashuvida maydonga tushiradi. Bu Messining “Barselona”dagi debyuti edi.
3. Ushbu mavsumda, 2004 yil 11 martda, Leo “Mataro”ga qarshi o'yinda “Barselona B” jamoasida debyutini o'tkazadi.
4. Oradan 11 oy o'tib, Estadi Olímpic Lluís Companys stadionida, 2004 yil 16 oktyabrda Messi “Espanol”ga qarshi uchrashuvda La Ligadagi debyutini o'tkazadi.
5. Ushbu mavsumning so'ngida, 2005 yil 1 mayda, yosh argentinalik “Albasete”ga qarshi o'yinda asosiy jamoadagi ilk golini uradi. Ushbu golga usha davrdagi kataloniyaliklarning haqiqiy etakchisi Ronaldino assistentlik qilgan.
6. Ushbu yilning 24 iyunida 18 yoshli Messi Gamper Kubogida “Yuventus”ga qarshi o'yinda o'zining ajoyib o'yinlari bilan matbuotning nazariga tushadi.
7. 2007 yilning 10 martida, 19 yoshida Leo o'zining klubdagi ilk xet-rikgini uradi. Bu gollar alohida ahamiyatga ega edi, chunki bu xet-rik Kamp Noudagi El Klasikoda “Real Madrid” darvozasiga urilgan edi. Bu gollar evaziga o'yin 3:3 hisobi bilan yakunlanadi. Ushanda Messining o'yinidan hayratga tushgan Raul: bu gollar Leoni haqiqiy buyuk o'yinchiga aylantiradi, — degan edi.
8. 2009 yilning 27 mayida Messi Chempionlar Ligasi finalida ilk g'alabasini qo'lga kiritadi. Leo ushbu o'yinda Van Der Sar darvozasiga Xavi uzatmasidan so'ng faoliyatidagi eng mashhur gollaridan birini kiritadi.
9. 2009 yilning 19 dekabrida Klublar o'rtasidagi jahon chempionati finalining qo'shimcha bo'limlarida urgan goli evaziga “Barselona” ushbu musobaqadagi ilk sovrinini qo'lga kiritadi. Usha yili klub 6ta sovringa ega chiqadi.
10. 2012 yilning 2 noyabrida Leo va uning qiz urtog'i Antonella o'zlarining birinchi farzandlari Tyago tug'ilganini e'lon qilishadi.
11. 2012 yilning 9 noyabrida Messi 86ta goli bilan bir yilda gol urish bo'yicha Gerd Myullerni rekordini yangilaydi (1972 yilda nemis futbolchisi 85ta gol urgan). 2012 yilning yakuniga ko'ra Messi 91ta gol uradi.
12. 2013 yilning 7 yanvarida Messi to'rtinchi “Oltin to'p”ini qo'lga kiritadi. Bu natijagi hali hech qaysi futbolchi erishmagan.
13. 2014 yilning noyabrida Messi “Sevilya”ga qarshi o'yinda xet-rik urib, Zarrini 253ta golli rekordini yangilab Ispaniya chempionatining eng yaxshi to'purariga aylanadi.
14. Uch kun o'tib “APOEL”ga qarshi o'yinda Messi EChLda gol urish borasida Raulning rekordini yangilaydi. O'zining xet-rikgi bilan 74ta gol muallifiga aylanadi.
15. 2015 yilning 11 sentyabrida Chempionlar Ligasidagi 100-o'yinidan avval Leoning ikkinchi o'g'li Mateo dunyoga keldi.
Manba: koptok.uz
Bosh sahifaga
632