Siz qaysi sport turning ustasi bo'lmang, qalbingiz baribir ularning qiroli – futbolga tortadi. Ushbu maqolada siz sportning superyulduzlari millionlar o'yiniga qanday ishqibozlik qilishlari to'grisidagi oltita faktdan xabardor bo'lasiz.
Tennis
Rafael Nadalning futbol bo'yicha jahon kubogini qo'lga kiritishi
Ispaniyada futbolning boshqa sport turlaridan hukmronligi yorqinroq kuzatiladi. Bu erda futbolga barcha, hatto boshqa sportchilar ham ishqibozlik qilishadi.Chet ellik yulduzlar “Barselona”ga oshiq bo'la boshlasalar, asli ispaniyaliklar “Real”ning gullab yashnashiga ishonishadi. “Qirollik klubi”ning eng mashhur ishqibozlari qatorida “Formula-1” bo'yicha jahon chempioni Fernando Alonso, velopoygachi Alberto Kontador va tennischi Rafael Nadallarni sanab o'tishimiz mumkin. Nadal futbolga shunday oshiq bo'lganki, hatto “qizil furiya”ga muhlislik qilish uchun 2010-yilgi JARdagi jahon chempionatiga ham borgandi. U erda u Ispaniya terma jamoasining finaldagi muvaffaqiyatidan so'ng kiyim almashtirish xonasida futbol bo'yicha jahon kubogini ko'targan holda sur'atga tushgandi. Nadalning yoshligida “Barselona” libosida tushgan sur'atlari ham paydo bo'lgandi. Biroq u amakisi Migel Anxelning kataloniyaliklar safida to'p surgani uchun shunday qilgan. Biroq unda bo'lg'usi tennis yulduzi ho'mraygan holda kuzatiladi. Tennischi o'z taqvimining tig'izligiga qaramay “Real Madrid” o'yinlarini qoldirmay kuzatib borishga harakat qiladi. “Qirollik klubi” futbolchilari ham bunga javoban Nadalning Madriddagi Masters seriyasi turnirlaridagi chiqshlariga muntazam ravishda tashrif buyurib turishadi.
Tennischi maridliklarning turli xil reklama roliklarida va xayriya aktsiyalarida ishtirok etib keladi. Uning o'zi ham hardoim raketkadan foydalanmagan holda to'p bilan o'ynashga tayyor. Sportchifutbol olamida yuz berayotgan o'zgarishlardan doimiy ravishda xabardor bo'lib turadi va ba'zan ularda ishtirok etib ham turadi. Bahorda u muhlislarni Iker Kassilasga xushtakchalmaslikka chaqirgandi. Keyinchalik esa korruptsiya mojarosi sababli Yozef Blatterni FIFAni tark etishga chaqirgandi.
Engil atletika
Nega Useyn Bolt Lui van Galni yoqtirmaydi
Useyn Bolt mashhur futbol ishqibozlaridan biri hisoblanadi. Bir kuni yamaykalik sportchi “Manchester Yunayted”ning muhlisi ekanligini yashirib o'tirmadi. Shu bilan birga u futbol yulduzi Krishtianu Ronalduga ham ishqibozlik qiladi. Sayyoramizning eng tezkor kishilari “Manchester Yunayted”ning Karringtondagi mashgg'ulotlar bazasida tanishishgandi. Birgalikdagi fotosessiya va samimiy muloqotdan so'ng ular tajriba almashishga o'tishdi. Bolt Ronalduga siprenterlik mahoratini rivojlantirish va asosan tezlikni oshirish borasida maslahatlar berdi. 2012-yilda 3 karraOlimpiada chempioniga aylangan Useyn Bolt yana kimgadir maslahat bermoqchi bo'ldi: “ chempionlik yana “Manchester Siti”ga qolib ketmasligi uchun qo'limdan kelgan barcha narsani bajarmoqchiman. Nani va Eshli Yang ham juda tezkor va texnik o'yinchilar. Ular faqatgina oldingi Ronalduga o'xshab ko'pincha to'pni oldirib qo'yishadi. 2009-yilda biz Krishtianu bilan shug'ullanganimizdan so'ng u har mavsumda 40 tadan gol ura boshladi. Ser Aleks istagan paytda meni chaqirishi mumkin. Men hardoim yordamga tayyorman, chunki, “Yunayted” – bu mening jamoam”, — deya ta'kidlagandi.
Lui van Gal “MYu”ga kelganda, Bolt mamnunbo'lib, engil atletikadagi faoliyatini yakunlaganidan so'ng sevimli jamoasida o'ynashistagi borligini ham tasdiqlagandi.Biroq biroz vaqt o'tgandan so'ng Bolt: “Van Galdek odam bilan kelishib bo'lmaydi. Menimcha, jamoani o'z uslubida o'ynatish lozim. Van Galning taktikasi “MYu”ga mos keladi deb o'ylamayman. U barcha futbolchilarni almashtirgan holdagina o'z uslubini jamoaga singdira oladi. Van Gal to'pni nazorat qilishga e'tibor qaratadi, lekin “MYu” umuman bunday jamoa emas”, — deya o'z noroziligini yashirmagandi.
Bolt birnecha bor“Real”, “Bavariya” va “Chelsi” mashg'ulotlarida qatnashgan shuning uchun, sprinterlik qobiliyatlaridan foydalanish maqsadida u o'ziga jamoa topa oladi.
Shaxmat
Magnus Karlsen “Real” o'yinlarini ochib berdi
Shaxmatning super yulduzi, ushbu sport turning uchta yo'nalishi: klassik, rapid va blits bo'yicha yaqqol chempioni – Magnus Karlsen. U “dunyoning eng yosh shaxmatchisi”dan tortib barcha turdagi rekordlarni yangiladi. Ikki yil muqaddam Time jurnali Magnusni “Dunyoning eng nufuzli 100 kishisi” ro'yxatiga kiritdi.
Karlsen uchun futbol shunchaki tanilish uchun shug'ullanadigan o'yin emas. Bu borada u reklamalarda hattoki millionlar ishlashga ham muvaffaq bo'lgan. Ozarbayjonning Shamkir shahrida bo'lib o'tgan turnirda Magnus toliqishni boshladi: “Musobaqa o'rtalariga kelib menga hatto hech narsaning qizig'i ham qolmadi. Ikki marta ketma-ket mag'lubiyatdan so'ng “o'rgildim musobaqangdan, hammasi jonimga tegdi” – deyishga ham tayyor edim. Ammo, biz u erda futbol o'yinida qatnashdik va bu men uchun asabiylashishlarni o'tib ketishi uchun juda muhim ekan”. Magnus ushbu futbol o'yinidan so'ng Ozarbayjon Shaxmat federatsiyasi vitse-prezidenti Faik Hasanovni yutib qo'yishiga salqolgandi. O'shanda Hasanov yosh shaxmatchini ayyorlik ishlatibgina mag'lubiyatga uchratgandi.
Guvohlarning xabar berishlaricha, norvegiyalik shaxmatchi futbolda ajoyib o'ynay oladi.Uning texnikasiga butun “Santyago Bernabeu” ikki marta “Real”ning o'yinini boshlab berganda guvoh bo'lishgan. U “qirollik klubi”ning muhlisi ekanligi ma'lum bo'lgandan so'ng prezident Florentina Peresning shaxsan o'zi taklifnoma yo'llagandi. Muhlislar bilan liq to'la “Bernabeu”da Karlsen maydonga tushib tabassum qildi va birma-bir hammaning qo'lini siqib chiqdi. Bu voqea Lissabondabo'libo'tgan Evropa Chempionlar ligasining final uchrashuvida yuz bergandi.
Basketbol
Kobe Brayantning shkafida kimning sharfi osilgan
Karmelo Entoni 2016-yildan Shimoliy Amerika futbol ligasida (NASL) o'ynashni boshlaydigan “Puerto-Riko” rahbariga aylandi, Medjik Djonson o'z do'stlari bilan Los-Anjelesda futbol jamoasiga asos solish uchun 100 million mablag' ajratishdi, Lerbon Djeymsesa “Liverpul” aktsiyalariga egalik qiladi va Bekxemga “Mayami” borasida ko'maklashmoqchi. Basketbolchilar hali faoliyatlarini yakunlamay turib ommaviy ravishda futbolga murojaat qilishmoqda.
ESPN nashri futbolga ishqiboz bo'lib qolgan NBA yulduzlari haqida yozganda besh karra jahon chempioni Kobe Brayantni ham ular ro'yxatiga kiritdi.Unda Brayant “ESPN menga futbolni sevishni o'rgatmoqda. Men bu sportga Paolo Maldini davridan buyon qiziqib kelaman”, — deya ta'kidlagandi. Gap shundaki, Brayan “Milan”da ulg'aydi.Uning otasi Djo ham basketbolchi edi. NBAning saviyasini ko'tarmoqchi bo'lganlarida ular oilasi bilan Italiyaga ko'chib o'tishadi. Bu paytda Kobe 6 yoshda edi. 13 yoshga to'lganda ortga qaytishlariga to'g'ri keldi. Biroq, Italiyada o'tgan 7 yil italyan tilini o'rganib olishga va futbolga muhabbat uyg'onishiga etarli bo'ldi. Brayant hatto ular AQShga ko'chib ketmaganlarida futbolchi bo'lmoqchiligini ham aytgan.
Kobe “Milan” klubiga muhlislik qiladi: “Los-Anjelesdagi shkafimda “Milan”ning sharfi va futbolkasini osib qo'yganganman. Men hardoim ularning ishqibozibo'lganman”. 2013-yilda Kobe Milanga tashrif buyurganida unga o'zining nomi tushirilgan klub futbolkasi sovg'a qilishadi. To'g'ri, “rossonerlar”gabo'lgan muhabbati unga ikki yil mobaynida “Barselona” libosini kiyishida to'sqinlik qilmadi. U hatto xayriya o'yinlarida kataloniyaliklar sharafini himoya qilishga ham muvaffaq bo'ldi. Kobe 2013-yilgi Konfederatsiyalar kubogidan so'ng: “Futbolning basketboldan farqi uning ishqibozlar tomonidan din sifatida e'tirof etilishidadir”, deya ta'kidlagandi. 2014-yilgi Jahon chempionatida esa barcha basketbolchilarni “men 6 yoshimdan 14 yoshimgacha har kuni futbol o'ynardim. Chindan ham futbol mening eng sevimli sportim”, — deya lol qoldirgandi. Kobe futbolchilar bilan birgalikda ko'plab reklama roliklarida qatnashib keladi. Brayant, Messi va Aguero ishtirokidagi “FIFA-16”ning reklamasi hamda Messi va Brayantlar raqobati aks etgan Turkish Airline kompaniyasining reklamalari bunga yaqqol misol bo'la oladi.
Manba: koptok.uz
Bosh sahifaga
270