Криштиану, сўнг 4 маротаба Месси, кейин яна 2 маротаба Роналду. Мана етти йилдирки “Олтин тўп”ни мана шу икки суперюлдуз бўлишиб олмоқда..

Хави? Иньеста? Рибери? Нойер? Кечирасизлар йигитлар сизларга машхурлик ва кўплаб голлар етишмайди. Ақлбовар қилмас сейвлар,моҳирона тўп узатишлар ёки қанотдан чақмоқдек югуриб ўтиш буларнинг барчаси фақат Цюрихга бориш ва Криштиану ва Леонинг олдида смокинг кийиб туришга етарли холос.

Монакодаги тадбирда эса Европанинг йил ўйинчиси аниқланади. Бу эса умуман бошқа тарих. У ерда ғолибни ўхшашликдан чарчаган 54 та журналист аниқлайди. Шу пайтгача соврин тўрт маротаба топширилган бўлса, совринни тўрт хил футболчи олган. Лекин бу анъана бу йил бузилиши мумкин. Нима учун? Жавобини пастда кўриб чиқамиз.

Лионель Месси

Ўтган куз шуни кўрсаттики, Криштиану Роналду – спорт залида ва майдондаги тинимсиз машқлар натижасида ривожланиб борувчи футболчидир, Месси эса ҳақиқий иқтидор эгаси, у оддий жисмоний кўрсаткичларга эга футболчи. Тахминан бир йил аввал жураналист ва биограф Гильем Балаге Леонел ҳақида: Месси тезлигини ёқотмоқда ва энди у рақибларини 2012 йилдагидек жазолай олмайди, деб ўз фикрларини билдириб ўтганди. Балагенинг сўзларига кўра, 2014 йилнинг августида Мессининг ўзи янги мураббий Луис Энрикедан уни “ҳужум ортига” қўйишни сўраган. Қайсики Неймар ва Суаресларга ассисентлик қилиш қулай бўлиши учун.

Кейиначалик маълум бўлишича Мессининг тезлиги пасайишига ёши ўтиб борётганда эмас, балки ортиқча вазнни экан. Матбуотда чиққан маълумотларга кўра, “Барса” етакчиси ҳар ўйиндан сўнг у ўз кучини пицца ва газланган ичимлик орқали тиклар экан. Бунинг натижасида унда ортиқча ёғ қатламлари пайдо бўлган. Кузнинг сўнгида Месси диетолог маслахати асосида шуғуллана бошлаган. Бу тез орада ўз натижасини кўрсатиб Лео 3.5 килограмм вазн ташлади. Ва ўзининг юқори даражасига қайтди.

Ҳозирда Месси Европанинг энг яхши ўйинчиси номинатциясида етакчи. У “Барселона” билан бу йил 4 та соврин ютиб олди. 2015 йилда “Гол+голли узатма”(39+21) тизимида 60 балл еғишга муваффақ бўлди. Тўғри бу 2012 йилда қайд этган рекорд натижасичалик эмас(ушанда Лео 26 агустгача 57 та, йилни охиригача 91 та гол муаллифи бўлган эди). Лекин Месси ҳозир ўз ўйин фалсафасини ўзгартирган. Аввал у тўп узатмаларини қабул қилиб, ҳужумни якунлаган бўлса, ҳозирда кўпроқ ҳужумдаги шерикларини тўп билан таминламоқда. Ва бу орқали у жамоасига яна ҳам кўпроқ фойда келтирмоқда.

Бу натижлардан кўриниб турибдики Месси Европанинг йил ўйинчиси номини икки марта қўлга киритган биринчи футболчи бўлишга яқин турибди.

Луис Суарес

2014 йилнинг ёзи уругвайлик ҳужумчи учун бурилиш нуқтаси бўлди. У аввал жаҳон чемпионатида жарохатига қарамай майдонга тушиб, Англияни мағлуб этишда ўзининг катта хиссасини қўшиб қаҳрамон бўлган бўлса, сўнг Джорджо Кьеллинини тишлаб, қувғин мақомини олди. Бу ҳаракати сабаб Суарес октябрнинг ўртасигача майдонга тушишдан махрум қилинди. Майдонга қайтгач  у бир ойни жисмоний ҳолатини ва каталонияликларнинг ўйин фалсафасини тушуниш учун сарфлади. Луис “Барселонада”ги илк голини уриши учун 6 та ўйин ўтказишига тўғри келди.

2014 йилнинг кузини ҳисобга олмаганда Суарес мавсумни ажойиб ўтказди. Класико ва Чемпионлар Лигаси финал ўйинларида ғалаба тўпини киритди, тўртта янги соврин, “гол+голли узатма” тизимида 41 очко(Европада 3 кўрсаткич), Месси билан ўзаро тушуниш ва “Барса”да ўз ўрнига эга бўлиш. Яна бошқа нимани орзу қилиш мумкин? Ҳа айтганча яна Неймар ва Мессилар билан тажавузкор триони ҳосил қилиш. Бу трио утган мавсумда нималар қилиб ташлаганидан хабарингиз бор албатта. Ҳозирда Суарес бир томондан каталонияликлар ўйинида Мессининг таъсирини камайтирувчи ва бошқа томондан Луис Энрикенинг ўйин фалсафасига энг мос тушувчи футболчидир.

Балки Суареснинг бу натижалари бир хилликни ёмон курувчи европалик журналистларнинг уни йил ўйинчиси деб топишларига сабаб бўлар.

Криштиану Роналду

17 майда “Барселона” “Атлетико”га қарши ўйиндан сўнг чемпионлигини нишонлади. Бунга параллел равишда “Реал” “Эспаньол” қарши ўнади, ўйиннинг энг яхши ўйинчиси Ронаду бўлди. У ўйинда хет-рик қайд этди. Ўйиндан сўнг Криштиану бахтли кўринарди, юзидан таббасум арамасди ва ҳатто ўйин тўпини эсталик учун олиб қўйди. Чунки у тўпурарлик пойгасида рақиби Мессидан ўтиб кетганди.

Қиш ва баҳор Роналду учун кузга қараганда омадсизроқ кечди.

Монакода Криштианунинг соврин олиш имконияти жуда паст десак адашмаймиз. Биринчидан, Роналду бутун мавсумда жамоа билан  битта соврин ютди, клублар ўртасидаги Жаҳон чемпионатидаги ғалабаси. Иккинчидан, соврин топшириш вақтида УЕФА президенти Мишел Платинига қўл беришни истамади. Учинчидан, барча сай-ҳаракатларга қарамай Криштиану натижалар борасида аргентиналик рақобатчисидан орқада. 2015 йилда португалияликнинг “гол+голли узатма” тизимида еғган очкоси 42 балл(Леодан 18 балл кам).

Шунинг учун ҳам Монакода Криштианунинг икки йиллик  ҳукмронлиги  якунига етиб, тахт Лионель Мессига қайтиши мумкин.

Буни албатта Монакодаги тақдирлаш маросимидан сўнг билиб олишимиз мумкин.

Манба: koptok.uz