Sentyabrdan ko'plab mamlakatlarda yangi o'quv mavsumi boshlanadi, biz ham ushbu tadbirni futbolga bog'lashga qaror qildik. Keling Angliya chempionatining barcha klublarining boshqaruvchilarini o'quvchi deb tasavvur qilamiz va ularni “Men yozgi transferni qanday o'tkazdim” mavzusidagi insho misolida baholab chiqamiz. Bizning virtual sinfimizda faqat 5ta o'quvchi bor, lekin ular o'tgan o'quv yilidagi eng yaxshilari.

“Chelsi”

Baho: 3

Amaldagi chempion transfer oynasini achna oddiy o'tkazdi. Joze Mourinyu bir necha bor tarkibidan mamnun ekanligini va nufuzli o'yinchilar sotib olish shart emasligini aytishiga qaramay, baribir transferlar amalga oshirildi.

Chex va Drogbani o'rniga Begovich va Falkao olindi, shu bilan birga Matich va Fabregasga o'rindosh sifatida bitta o'yinchi sotib olinganda yomon bo'lmas edi. Bir qancha yosh o'yinchilar boshqa jamoalarga ijaraga berildi. Agar Pedroni “qizil iblislar”dan ilib ketilmaganda, “Chelsi” o'zining transferlari bilan maxtana olmasdi.

“Manchester Siti”

Baho: 5

“Manchester Siti” yozgi transfer oynasini a'lo darajada o'tkazdi desak adashmaymiz. “Shaharliklar” iqtidorli yoshlar Sterling va de Bryuyne bilan tarkibini kuchaytirdi. Himoya chizig'ini ham ancha kuchaytirishdi. “Siti”ning ajoyib va aniq transferlari uni ushbu mavsumning etakchisiga aylantirdi.

Yosh o'yinchilar jamoaga yangi qon kiritadi va bu klubning o'yiniga albatta ijobiy ta'sir etadi.

“Arsenal”

Baho: 3

Londonliklar birorta maydonda harakat qiluvchi o'yinchi sotib olmagan yagona evropalik klub bo'ldi. Bunday olib qaraganda bu g'alati ko'rinmas, lekin “Arsenal” misolida achna g'alati. Chunki so'ngi yillarda Arsen Venger ham jamoani o'yinini kuchaytirish uchun katta transferlar kerakligini tushunganday ko'ringandi. Klubni kuchaytiruvchi futbolchilar ro'yxatida Peter Chexning o'tishi birinchisi bo'ldi, lekin darvozabon bilan tugadi.

Oxirgi vaqtlarda hujumchi muommosi ko'p gapirildi, lekin bu muommo hal etilmadi. Hatto harakat ham qilinmadi. Boshqa chiziqlar ham mustaxkamlashtirilmadi. Xuddi klub raxbariyati yozning so'ngi oylarini plyajda o'tkazgandek ko'rindi.

“Manchester Yunayted”

Baho: 2

“Manchester Yunayted” yozni tushunarsiz va omadsiz o'tkazdi. De Xeani transferi so'ngi daqiqalarda amalga oshmay qoldi, Pedroni burnini tagidan ilib ketishdi, Ramosning transferi borasida “Real” bilan mushuk-sichqon o'yini, — shular bilan Lui van Galning transfer kompaniyasi esda qoldi.

Shnayderlin, Darmian, Depay hammasi yaxshi boshlangandek edi. Pedroni transferi ham amalga oshayotgandek edi, lekin so'ngi daqiqalarda uni “Chelsi” ilib ketdi. Roys, Myuller, Ronaldu, Beyl, Neymar kabi o'yinchilarga fantastik pullar taklif qilishgan bo'lsalar ham ular “qizil iblislar”ga qayrilib ham qarashmadi. Bu ishlardan alamzada bo'lgan va Gal hech kim tanimaydigan Martialni hayratlanarli pulga 80 million evroga sotib oldi.

Bunday yondashuv jamoaga muvaffaqiyat olib kelishi qiyin. Buni “Manchester Yunayted” o'yinlarida ko'rib turibmiz. Balki Lui barchasini yaxshi tamonga o'zgartira olar. Kuzatamiz.

“Liverpul”

Baho: 4

 So'ngi yillarda “mersisaydliklar” talon-taroj qilindi. Lekin bu yoz unday bo'lmadi. Ular asosiy shartnomalarni yozning boshida imzolashdi. “Liverpul”ning xar bir transferi tarkibning bo'sh tomonlarini yopgandek ko'ringandi. Ularning asosiy savdolari Benteke, Firminyu va Milner. Lekin bu savdolar ham “Liverpul”ga yordam bera olmayotgandek. Bunday fikrga kelishimizga “mersisaydliklar”ning chempionatdagi starti sabab bo'lmoqda.

Maqolani tayyorlashda footballhd.ru sayti ma'lumotlaridan foydalanildi.

Manba: koptok.uz