Evropada transfer oynasi yopildi. Kecha Angliyada oxirgi savdolar amalga oshirildi. Biz ushbu yozning eng asosiy xaridlarini tanlab chiqdik.

Kevin De Bryuyne – “Volfsburg”dan “Manchester Siti”ga.

Yozning eng qimmat o'tishlardan biri transfer oynasi yopilishiga bir kun qolganda rasmiylashtirildi. 30 agustda De Bryuyne Bundesligadan Premer-Ligaga ko'chib o'tdi. “Volfsburg” 24 yoshli o'yinchi uchun 75 mln evroni qo'lga kiritdi. Kevin yana Angliyaga qaytdi, bir paytlar uni “Chelsi”da omadi uncha yurishmagan edi. Lekin hozir De Bryuyne etuk futbolchi. O'tgan mavsumda belgiyalik Bundesligada 34 ta uchrashuvda maydonga tushib, 10 ta gol va 20 ta golli uzatmaga mualliflik qildi. “Manchester Siti”da De Bryuyneni kuchli raqobat kutib turibdi. Kuzatamiz Kevin o'ziga ishlatilgan pullarni oqlay olarmikin.

Anxel Di Mariya – “Manchester Yunayted”dan “PSJ”ga.

“Manchester Yunayted”dagi bir yillik faoliyatidan so'ng argentinalik yarim himoyachi “PSJ”ga sotib yuborildi. Di Mariyaning Angliyadagi faoliyati o'xshamadi. “Men Lui van Galning o'yin falsafasiga moslasha olmadim. U mening maydondagi o'rnimni almashtirdi”, — deb izox berib o'tdi Anxel. 2014 yilning yozida “Real” uni sotish orqali 75 million evro ishlab olgandi, “Manchester Yunayted” esa “PSJ”ga 63 million evroga sotishga rozi bo'ldi. 27 yoshli uyinchi yangi jamoasida debyut o'yinini o'tkazishga ulgurdi. Di Mariya “Monako”ga qarshi kechgan uchrashuvda zaxiradan maydonga tushib, bitta golli uzatmaga mualliflik qildi.

Raxim Sterling – “Liverpul”dan “Manchester Siti”ga.

20 yoshli Angliya terma jamoasi hujumkor yarim himoyachisi uchun “Manchester Siti” “Liverpul”ga katta pul berdi. Sterlingning transfer narxi 43,75 million funtni tashkil etdi. Bu angliyalik futbolchi uchun rekord pul bo'ldi. Hozir u  “Man Siti” tarkibida to'rtta o'yinda maydonga tushishga ulgirdi va uning hisobida bitta gol va bitta golli uzatma bor. “Agar maydonda Sterling bo'lsa, jamoamiz umuman boshqa tezlikda o'ynaydi”, — deb aytib o'tdi Manuel Pellegrini.

Nikolas Otamendi – “Valensiya”dan “Manchester Siti”ga.

“Manchester Siti”ning yana bir katta transferi bu Nikolas Otamendi. 27 yoshli argentinalik La Ligada o'tgan mavsusning eng yaxshi himoyachisi deb topilgan edi. “Valensiya” Otamendining transferidan 44,6 million evro ishlab oldi. Otamendi hali o'zining yangi klubida debyut o'yinini o'tkazgani yo'q. Argentinalik Angliyada ishlash uchun ruxsat kutmoqda.

Arturo Vidal – “Yuventus”dan “Bavariya”ga

Hamma asosiy transferlar Angliya chempionati bilan bog'liq emas. “Yuventus” yarim himoyachisi Arturo Vidal “Bavariya”ga 37 million evro evaziga o'tdi. Bundan tashqari “keksa sinora” bonus ko'rinishidagi 3 million evroni qo'lga kiritishi mumkin. Vidal Bundesligada Xoser Gvardiola jamoasi safida 3 ta o'yin o'tkazdi. Shunga qaramay u hali birorta ham ogohlantirish olgani yo'q.

Radamel Falkao – “Monako”dan “Chelsi”ga.

Kolumbiyalik hujumchi huddi Di Mariyadek “Manchester Yunayted”dagi o'tgan mavsumni xotirasidan o'chirishni istaydi. Falkaoning Lui van Gal jamoasida omadi yurishmadi, shuning uchun ham mankunianliklar hujumchini sotib olishni istashmadi. Ushbu yozda Roman Abromovich Radamelni keyingi yil sotib olish sharti bilan ijaraga oldi. Hozircha Joze Mourinyu kolumbiyalikni zaxirada ushlab turibdi. Falko Premer-Ligada 4 o'yinda zaxiradan maydonga tushib bitta gol urishga muvaffaq bo'ldi.

Pedro – “Barselona”dan “Chelsi”ga.

“Barselona” safida UEFA Superkubogidagi g'alabadan so'ng, Pedro “Chelsi” bilan shartnoma imzoladi. Uning londonliklar safiga o'tishi ancha shov-shuvlarga sabab bo'ldi. Chunki u “Manchester Yunayted” safiga o'tishga judu yaqin turgan edi. Lekin Roman Abramovichning 27 million evrolik cheki barcha narsani o'zgartirib yubordi. Pedro “Chelsi”ning o'yinchisiga aylandi. “Barselona” dunyodagi eng yaxshi jamoa, lekin men “Chelsi”da ko'proq o'yin amaliyotiga ega bo'laman”, — deb aytib o'tdi Pedro. Pedro “Chelsi” safida bitta gol va bitta golli pas muallifi bo'lishga ulgurdi.

Bastian Shvaynshtayger – “Bavariya”dan “Manchester Yunayted”ga.

Shvaynshtayger faoliyatining katta qismini “Bavariya”da o'tkazdi, u faoliyatini shu klubda tugatadigandek tuyulardi. Lekin 31 yoshli germaniyalik Premer-Ligani zabt etgani “Manchester Yunayted”ga o'tib ketdi. Ushbu yozda “Manchester Yunayted” Shvaynshtayger uchun “Bavariya”ga 9 million evro to'ladi. Bastian Premer-Liganing to'rtta turida “MYu” safida ikki marta zaxiradan va ikki marta asosiy tarkibda maydonga tushdi.

Petr Chex – “Chelsi”dan “Arsenal”ga.

Tajribali chexiyalik darvozabon o'tgan mavsum “Chelsi”dagi o'rnini yosh darvozabon Tibo Kurtuaga berib qo'ydi. Shu sabadan u aristokratlarning azaliy raqibi “Arsenal” safiga o'tib ketdi. Chexning transfer narxi 9,8 million funtni tashkil etdi. U “Arsenal”dagi debyut o'yinini Angliya Superkubogida “Chelsi”ga qarshi o'tkazib, birorta to'p utkazib yubormadi. Premer-Ligada Chex 3 ta to'p o'tkazib yuborishga ulgurdi.

Antoni Martial – “Monako”dan “Manchester Yunayted”ga.

Top-transfer ro'yxatimizni kuzning birinchi kunida amalga oshirilgan transfer yakunlab beradi. Bu transfer “Monako” xujumchisi Antoni Martialga tegishlidir. Ko'plab munozalarga sabab bo'lgan bu savdoga “Manchester Yunayted” 19 yoshli hujumchi uchun 48 million evro to'ladi va keyinchalik bu tarnsfer bonuslar bilan mankunianliklarga 80 million evroga tushishi mumkin. Mankunianliklar Radamel Falkao va Robin van Persiga o'rinbosar sifatida Martialni tanlashdi. Antoni “Monako”da 70 ta urashuv o'tkazgan va 19 ta gol muallifi bo'lgan. Bunday natijaga ega bo'lgan futbolchi uchun 80 million evro ko'p emasmikin. Tavakkal qilishda “Manchester Yunayted” “Real”dan ham o'tib tushdi. Ko'ramiz bu transfer o'zini qanchalik oqlar ekan.

Manba: koptok.uz