Zamonamizning eng kuchli futbolchilardan biri bu albatta Krishtianu Ronaldu. Doimo u haqida turli hil fikrlar yangragan. Jahonning mashxur futbolchilari va murabbiylari portugaliyalik superyulduz haqida bildirgan yorqin iqtiboslarni sizlarga taqdim etamiz.

“Ronaldu dunyoning eng yaxshi o'yinchisi. U Kaka va Messidan zo'rroq. U hammadan oldinda”, — Aleks Fergyuson.

“Ronaldudan ko'ra yaxshtroq o'yinchi yo'q. U har qanday joyda o'ynay oladi. U doimo gol uradi, chunki u hammadan tez yuguradi va balandroq sakraydi. U ajoyib o'yinchi. Ronaldu hoxlagan jamoada bir mavsumda 30 ta gol ura oladi”, — Lui Saa.

“Men Ronalduni maydonda qanday harakat qilayotganini tomosha qilishni yaxshi ko'raman. Krishtianu shunday o'yin ko'rsatadiki, ba'zan haqiqiy o'yin emas balki  PlayStationda o'yin tomosha qilyotgandek tuyuladi”, — Emmanuel Adebayor.

“To'g'risini aytsam, men bugun Krishtianuni “MYu”da ko'rishni juda hoxlayman. U dunyoda tengi yo'q o'yinchi, bizning jamoamizdan uni “Real”ga o'tib ketganidan afsuslanmagan o'yinchini topa olmaysiz”, — Ueyn Runi.

“Men unga qoyil qolaman, u buyuk. U kuchli mudofaani his qiladi va unga qarshi chora ko'ra oladi”, — Mikel Arteta.

“Ronaldu yaxshi driblinga ega, to'p uzatishlarni yaxshi xis qiladi. U hammaga yoqadi”, — Xavi.

“Ha u buyuk. U o'zining haqiqiy tezligiga chiqqanda qanot himoyachilariga juda qiyin bo'lib qoladi”, — Martin Shkrtel.

“U jismonan va texnik jixatdan kuchli. Qisqa qilib aytganda unda hamma narsa bor”, — Rud van Nistelroy.

“Ronaldu men bilan birga o'ynaganlarning orasida eng zo'ri. U inson emas. U haqiqiy mashina”, — Zoran Tashich.

“U to'liq muvozanatga ega futbolchi, men uning kuchsiz tomonlarini ko'rsata olmayman. Oyoq, bosh bilan o'ynash, ajoyib tezlik unda hammasi bor. Ronaldu buyuk o'yinchi, u jamoasi uchun bor iqtidorini berishga tayyor. U biz bilan birga o'ynayotganidan juda baxtlimiz”, — Portugaliya yarim himoyachisi Juan Motinyu.

“Ronaldu fenomen. Albatta Messi kuchli, lekin “Real” va dunyo futboli uchun Ronaldu birinchi raqamli o'yinchi”, — Roberto Karlos.

“Ronaldu va Messi buyuk futbolchilar. Lekin men uchun Ronaldu dunyoning eng zo'r o'yinchisi. Buni u bilan bir jamoada o'ynaganim uchun aytmayapman. Shunchaki Ronaldu maydonda hamma narsani Messidan ko'ra yaxshiroq bajara oladi. Krishtianu ideal futbolchi”, — Pepe.

“Men Krishtianu Ronaldu haqida qo'shiq yozmoqchi bo'laman, lekin uning o'yinini tariflash uchun so'zlarim etmaydi”, — Mishel Telo qo'shiqchi.

“Ronaldu – mening jamoamda o'ynashini xoxlagan futbolchilarimdan biri”, — Maradona.

“Ronaldu bizning “o'ldiruvchi qurolimiz” deb atasak bo'ladi”, — Xorxe Valdano.

“Uning yanayam yuksalish uchun tinmay va charchamay ishlashi meni xayratlantiradi. Eng yaxshi bo'lish istagi — bu Ronalduni eng yuqori cho'qqida turishiga sababchi omildir”, — Zinedin Zidan.

“Ronalduning “Real”dagi yutuqlari xayratlanarli. U har mavsumda o'rtacha 50 ta gol urmoqda. Krishtianu men 20 yilda amalga oshirgan ishimni u atigi 6 mavsumda amalga oshirdi. Umid qilamanki u “Real”ga yangi sovrinlar yutishda yordam berishda davom etadi”, — Raul.

“Ronaldu shu darajaga etdiki — odamlar u urgan gollar sonini aniq bila olmay qoldilar. Shaxsan men o'zim adashib kettim. Krishtianu jamoa sovrinlarni yutib olishi uchun bor kuchini sarfladi. Undan boshqa narsa talab qilib bo'lmaydi”, — Karlo Anchelotti.

“Men Ronaldu bilan bitta jamoada o'ynashdan baxtli bo'lgan bo'lar edim”, — Messi.

Manba: koptok.uz