10. “Yuventus” – 76 517 evro haftasiga

“Yuventus” boshqa Evropa grandalariga qaraganda o'yinchilar transferi va maoshi uchun ketadigan pullarni tejashga harakat qiladi. “Keksa sinoralar” 10 tali ro'yxatimizga kirgan yagona Italiya klubidir. Klub o'yinchilar maoshiga haftasiga o'rtacha bitta futbolchi uchun 77 ming evro sarf qiladi.

9. “Liverpul” – 93 912 evro haftasiga

“Liverpul” haftalik maosh borasida Premer Liganing boshqa grand jamoalari “Manchester Yunayted”, “Chelsi”, “Arsenal” klublaridan pasroqda turadi. Klub bitta futbolchining o'rtacha maoshiga 94 ming evro ishlatadi.

8. “Arsenal” – 108 493 evro haftasiga

Sporting Intelligence ma'lumotlariga ko'ra “Arsenal” o'yinchilar maoshiga haftasiga o'rtacha 110 ming evro sarflaydi. Yillik maoshiga esa bitta futbolchi uchun o'rtacha 5.5 mln evro to'laydi. Klubda eng ko'p haq oladigan futbolchi bu Aleksis Sanches. U haftasiga 220 ming evro maosh oladi.

7. “Chelsi” – 116 495 evro haftasiga

Ko'plab muxlislar Roman Abramovich o'zining sevimli klubi “Chelsi”ga o'zining milliardlarini ayamaydi deb o'ylashadi. Lekin moliyaviy ma'lumotlarga ko'ra u o'yinchilarning haftalik maoshiga “Arsenal”dan ozgina ko'proq ishlatadi.

6. “Bavariya” – 119 587 evro haftasiga

“Bavariya” futbolchilarining o'rtacha maoshiga haftasiga 120 ming evro sarflaydi. Klubdagi eng ko'p haq oluvchi futbolchilar Frank Riberi va Aren Robben hisoblanadi. Ularning ikkisi ham haftasiga 230 ming evro olishadi.

5. “Manchester Yunayted” – 125 227 evro haftasiga

“MYu” dunyoning eng qimmat futbol klublaridan biri hisoblanadi. Bu ro'yxatimizda esa “MYu” 5-pog'onani band etdi. “Qizil iblislar” o'z futbolchilarining maoshlariga haftasiga o'rtacha 125 ming evroni ayashmaydi.

4. “Barselona” – 126 183 evro haftasiga

“Barselona” eng sovrinlarga boy klublaridan biridir. Lekin futbolchilarga haq to'lash borasida etakchi emaslar. Kataloniyaliklar o'z futbochilariga haftasiga o'rtacha 126 ming evro sarflaydilar.

3. “Manchester Siti” – 134 212 evro haftasiga

2013-yilda “Siti” bu ro'yxatda birinchi o'rinda edi. Lekin hozir ikki pog'ona pastladilar. “Shahatriklar”ning arab ho'jayini futbolchilarning o'rtacha maoshiga 134 ming evro sarflaydi. Klubdagi eng ko'p haq oluvchi futbolchilar Serxio Aguero va Yaya Ture hisoblanadi.

2. “Real” – 134 892 evro haftasiga

“Real Madrid” yillik ish haqi sarfi 7 million evro tashkil qiladi. “Qaymoqranglilar” dunyoning eng qimmat futbol brendi hisoblanadi. Shuning uchun ham ular ish haqiga ko'p pul sarflashadi. Klubning eng ko'p maosh oluvchi futbolchisi Krishtianu Ronaldu hisoblanadi.

1. “PSJ” – 142 569 evro haftasiga

Qatar Sports Investments fondi “PSJ” klubini to'rt yildan beri moliyalashtirib keladi. Buning natijasida “PSJ” eng ko'p moash to'lovchi klubga aylandi. Klub yiliga futbolchilarning ish haqiga o'rtacha 7.43 million evro sarflaydi.

Manba: koptok.uz