Fransiyada davom etayotgan Yevropa chempionatiga o‘z terma jamoasini qo‘llab-quvvatlash istagida tashrif buyurgan Shimoliy irlandiyalik muxlislardan biri vafot etdi. Voqea Fransiyaning Nitssa shahridagi plyajda ro‘y berdi.

Bugun ertalab taxminan 20 yoshlar atrofidagi bu muxlis sohil bo‘yidagi 8 metr balandlikdan pastga qulab tushgan. Bu holat mahalliy politsiya tomonidan baxtsiz xodisa sifatida qayd etildi. Kecha Shimoliy Irlandiya terma jamoasi aynan Nitssa shahridagi o‘yinda Polshaga 0:1 hisobida imkoniyatni boy berib qo‘ygan edi.