Laziz Hasanov boshchligidagi O‘zbekiston taekvondo ITF terma jamoasi 10-13 iyun kunlari Italiyada o‘tkazilgan WASCO yo‘nalishidagi 10-Jahon chempionatida ishtirok etdi. Quvonarlisi, taekvondochilarimiz jahon chempionati yakunida umumjamoa hisobida birinchi o‘rinni egalashdi.

Mazkur nufuzli musobaqada dunyoning 32 davlatidan 600 nafardan ziyod sportchilar medallar uchun dayanga chiqishdi. Terma jamoamiz tarkibida 50  nafar sportchi yurtimiz sport sharafini himoya qilgani e’tiborga molik holat.

Bahslar mobaynida til va massogi yo‘nalishlarida Oynoz G‘aniyeva, Behruz  Shoniyozov, Umid Shog‘iyev, Abdug‘ofur Ergashboyev, Suhrob Komilov, Dilnoza  Mahamadaliyeva, Furkat Bozorov, Bahodir Xolbekov, Shoxjahon Burxonov, Abdukozim Isroilov, Abdurauf Irisboyev, Jasur Salimov, Oybek Mirzohidov, Xasan Rahmonov, Abdug‘ofur Abdullayev, Farangiz Aliyevalar oltin medalga sazovor bo‘lishdi. Yoshlar, kattalar hamda faxriylarimiz jami 22ta oltin, 16ta kumush, 34ta bronza medalini qo‘lga kiritishdi.

Manba. olamsport.com