Fransiyada o‘tkazilayotgan Yevropa chempionatining guruh bosqichida 1-tur uchrashuvlari davom ettirildi. “E” guruhidan o‘rin olgan uchrashuvda Irlandiya va Shvesiya terma jamoalari o‘zaro to‘qnash kelishdi.

Parij shahridagi muhtasham “Stad de Frans” stadionida bo‘lib o‘tgan o‘yinda 1:1 hisobi qayd etildi. Avvaliga Xulaxan chiroyli tarzda gol kiritib, irlandlarni hisobda oldinga olib chiqdi. 71-daqiqada esa Klark kutilmaganda o‘z darvozasini ishg‘ol qilib qo‘ydi.

Yevro-2016. “E” guruhi, 1-tur.

IRLANDIYa – ShVESIYa 1:1

“Stad de Frans” stadioni

Bosh hakam: Milorad Majich (Serbiya)

Gollar: Xulaxan (47), Klark (71-o‘z darvozasiga)

Irlandiya – Rendolf, Klark, O′Shi, Koulmen, Makkarti (Makgidi, 85), Breydi, Xulaxan (Kin, 78), Uelan, Xendrik, Long, Uolters (Makkleyn, 64).

Shvesiya – Isaksson, Lindelef, Olsson, Lyustig (Yuxansson, 45), Grankvist, Larsson, Levitski (Ekdal, 86), Chelstrem, Forsberg, Berg (Gvidetti, 59), Ibragimovich.

Ogohlantirishlar: Makkarti (43), Lindelef (61), Uelan (77).