Badavlat insonlarning ajrimi juda ham manfatli jarayon bo'lib, bu mo'maygina daromadga ega bo'lishni ham anglatadi. Quyidagi ajrimlar oqibatida sobiq rafiqalar shu qadar katta mablag'ga ega bo'lishadiki, bunday nikoh buzilishini chinakam omad deb atash mumkin.

 

Roman va Irina Abramovich

Ajrim bahosi: 300 mln dollar.

Irina Vyacheslavovna Malandina Roman Abramovich bilan ajrashish uchun ariza yozadi va undan 300 million dollarni undirib oladi. Abramovichning 18,7 milliard dollarga baholangan umumiy aktivlari qiymatidan 2 foizning kamayishi deyarli sezilmagan ham.

 

Robert va Sheyla Jonson

Ajrim bahosi: 400 mln dollar.

Robert va Sheyla Jonson BET korporatsiyasining ta'sischilaridan biri sanaladi. Ular 1969 yil turmush quradi, biroq 30 yildan so'ng ajralishdi. Robert Jonson Amerikadagi birinchi afroamerikalik milliarderga aylanadi, shu sababli ular ajrashishganda, rafiqasi Sheyla tovon shaklida 400 million dollarni qo'lga kiritadi.

 

Mel va Robin Gibson

Ajrim bahosi: 425 mln dollar.

26 yil baxtli hayot kechirgan juftlikning turmushi janjal bilan yakun topadi. Robin Mur — Mel Gibsonning rafiqasi erining bir yilda filmlardan ishlagan daromadining yarmiga ega bo'ladi.

 

Kreyg va Vendi Makkoy

Ajrim bahosi: 460 mln dollar.

Biznesmen va Mccoy Cellular asoschisi Kreyg Makkoy Vendi Petrakga 1974 yil uylanadi va u bilan 1998 yilgacha birga yashaydi. Juftlik Makkoy o'z ulushini texnologik gigant AT & T kompaniyasiga sotib, 12 milliard dollar hisobida yaxshigina daromadga ega bo'lganidan so'ng ajraladi.

 

Stiv Vinn va Eleyn Paskal

Ajrim bahosi: 740 mln dollar

Wynn Resorts kazinolar imperiyasining bosh direktori Stiv Uinn Eleyn Paskalga 1963 yil uylanadi. Ular 1986 ajralib, 1991 yil yana qaytadan turmush qurishadi. Biroq qayta nikoh ham oxirigacha bo'lmadi va 2010 yil yana ajrashishdi. Natijada Vinn umumiy qiymati 740 million dolllar bo'lgan aktsiyalarining yarmiga egalik qilish huquqidan mahrum bo'ldi.

 

Adnan va Sorayya Xashoggi

Ajrim bahosi: 850 mln dollar.

Saudiyalik tadbirkor va qurol savdogar Adnan Xashoggi ajrim jarayoni davomiyligi bo'yicha rekord o'rnatdi. Adnan 1961 yil 20 yoshida Sorayya Xashoggi bilan turmush quradi. Juftlik 1974 yil ajrimga ariza beradi, biroq jarayon 5 yil davom etadi.

 

Berni va Slavitsa Ekklstoun

Ajrim bahosi: 1,2 mlrd dollar.

Formula 1 poyga imperiyasining prezidenti va ijrochi direktori Berni Ekklstoun 23 yil Slavitsa bilan birga yashaydi. Uning ikki qizi tug'iladi, biroq bu xotiniga sud orqali erining 1,2 milliard dollar hisobidagi katta mablag'ini tortib olishiga to'sqinlik qilmadi. 

 

Rupert Merdok va Anna Mariya Torv

Ajrim bahosi: 1,7 mlrd dollar

32 yillik turmushdan biznesmen Rupert Merdok ikkinchi rafiqasi Anna bilan ajrashadi va unga 1,7 milliard dollar hisobida jarima to'laydi.

 

Rupert Merdok va Uendi Deng

Ajrim bahosi: 1,8 mlrd dollar.

1999 yil 25 iyun kuni ikkinchi xotini bilan ajrashgan sanadan deyarli uch hafta o'tgach, Merdok kelib chiqishi xitoylik bo'lgan qizga uylanadi. 13 yil o'tib u yana eski tarixni qaytaradi. Bu safar sobiq rafiqaga 1,8 milliard dollar mablag' qoladi.

 

Alek va Joselin Vildeshteyn

Ajrim bahosi: 3,8 mlrd dollar

Alekv va Joselin Vildeshteyn tarixdagi eng qimmat ajrim deb e'tirof etiladi. Frantsuz biznesmen-milliarderi, art-diler Joselin Perissetaga 1978 yil 30 aprelda uylanadi. Ularning oilasida ikki farzand tug'iladi, biroq ular ham oilani saqlab qola olmaydi. Ajrimdan so'ng Joselin 2,5 milliard dollar miqdorida mablag' oladi va hozirda har yil davomida 100 million dollar foyda oladi.