Global iqlim o'zgarishi sayyoramizdagi haroratning ko'tarilishigagina ta'sir qilmayapti. Iqlimiy o'zgarishlar natijasida turli tabiiy hodisalarning yuz berish tezligi ham kuchaymoqda. Iqlim o'zgarishlari suv toshqinlari, qurg'oqchilik va yil davriga xos bo'lmagan tabiat hodisalari orqali ko'zga tashlanmoqda.

Evropaning tog'-chang'i kurortlari qorsiz qishdan zarar ko'rayotgan bir vaqtda Nyu-York qor bo'ronlari ostida qoldi. Ayrim mamlakatlarda qor yog'ishi kutilmagan hol bo'lib, bu mamlakatlar aholisi ilgari qorni faqat televizor va kitoblardagina ko'rgan.

           

Buenos-Ayres

Argentina poytaxti Buenos-Ayresda 2007 yilda 90 yil ichida ilk marta qor yoqqan. Bunga Antarktikadan kelgan sovuq havo sabab bo'lga.

 

Sahroi Kabir

2012 yil yanvarida Shimoliy Afrikada qish fasli boshlandi. Marokash, Jazoirning janubiy hududlari va hatto Sahroi Kabirda qor yog'di.

 

Braziliya

2013 yil iyulida Braziliya qorga burkandi. Mamlakatning 90ta aholi maskani qor ostida qoldi. Mamlakat janubida harorat minus 7 darajagacha tushib ketdi. Izg'irin sovuq Paragvay, Urugvay, Argentina va Chilida ham yuz berdi.

 

Keyptaun

2013 yil iyunda Keyptaunda favqulodda holat e'lon qilindi. Bunga qor yog'ishi sabab bo'ldi. Shaharda havo harorati noldan pastga tushib ketdi.

 

Ispaniya

2013 yil apreli oxirlarida quyoshli Ispaniya qalin qor ostida qoldi. Mamlakatning ayrim hududlarida yoqqan qorning qalinligi 18 santimetrga etdi.

 

Misr 

2013 yil dekabrda Misrda qor yog'di. Bungacha Misrda 122 yil avval qor yoqqandi.

 

Atakama

Duyodagi eng quruq joy — Atakama sahrosida 2013 yili qor yog'di. San-Pedro-de-Atakama aholi maskanida yashovchilarning aytishlaricha, oxirgi 30 yil ichida bu erda bu darajada ko'p qor yog'magan.

 

Sidney 

2014 yil oktyabrida, Avstraliyada ayni bahor chog'ida Sidneyda qor yog'di. Sidneyliklar hayotlarida ilk marta qorbobo yasab, qorbo'ron o'ynashdi. Bunday tabiat hodisasi so'nggi marta bundan 200 yil ilgari yuz bergandi.

 

Hindiston

2014 yil dekabrida Hindistonga haqiqiy qish keldi. Mamlakat shimolida suvlar muzladi. Havo harorati keskin tushib ketdi va qor yog'di.

 

Saudiya Arabistoni

Uch hafta ilgari Saudiya Arabistonining shimoli-g'arbiy qismida qor aralash shamol esdi. Harorat noldan pastga tushib ketdi, cho'lda qorbo'ron o'ynash mumkin bo'ldi.