Joriy yilgi mavsum so'nggida Franchesko Tottining “Roma” bilan tuzgan amaldagi shartnomasi yakuniga etadi. Ammo Rim klubi rahbariyati Totti bilan hamkorlikni to'xtatish niyatida emas.

Corriere dello Sport nashrining yozishicha, rimliklar Tottini olib qolishga harakat qilishadi. Shu boisdan unga katta ehtimol bilan yangi shartnoma taklif etiladi. Lekin yangi shartnoma imzolanishi bilan allaqachon 39 yoshni qarshilab qo'ygan Totti MLSning biror klubiga ijaraga beriladi. Chunki Luchano Spallettining Francheskoga etarli o'yin amaliyoti taqdim etishiga hech kim yuz foiz kafolat bera olmaydi.

Ta'kidlash joizki, “Roma” rahbariyati Tottini keyinchalik jamoaga ustozlik qilishini istamoqda. Shu sababli ham uni klub tizimida olib qolish reja qilingan.