«PSJ» hujumchisi Zlatan Ibrohimovich Angliya Premer-ligasi klublari o'ziga qiziqayotganini tasqdiqladi.

Mavsum so'ngida parijliklar bilan shartnomasi yakuniga etadigan shvetsiyalik futbolchi Angliyaga yo'l olishi mumkinligi haqida avvalroq xabar tarqatilgandi. Jumladan, OAV futbolchining taqdirini «MYu», «Chelsi» va «Arsenal» bilan bog'lagandi.

«Ha, Angliya premer-ligasi jamoalari tomonidan qiziqish bo'layotganini tasdiqlashim mumkin. Ko'ramiz, vaziyat qanday tus olar ekan. Barcha muzokaralarni agentim Mino Rayola olib bormoqda. Shu bois, shaxsan o'zim bu haqda ko'p narsa bilmayman. Men e'tiborimni faqat futbolga qaratganman», — deydi 34 yoshli Ibrohimovich.