"Manchester Siti" yarimhimoyachisi Yahyo Turening agenti Dmitriy Selyuk avvalgi xabarlarga qaramay, futbolchining klubda qolishi mumkinligini aytmoqda.

Futbolchining qaroriga yangi bosh murabbiy Xosep Gvardiola sabab bo'lishi mumkin, TUre uning qo'l ostida "Barselona"da o'ynagan.

"Ture bo'yicha masala hal bo'lgani yo'q. Uning "Manchester Siti"ni tark etishi ham fakt emas. Chempionat tugashini kutamiz. Hozir jamoaga Xosep Gvardiola kelyapti. Aytishim mumkinki, bu murabbiy Tureni juda yaxshi ko'radi. Futbolchi "Barselona"ni murabbiy bosimi ostida emas, shunchaki o'zi xohlagani uchun tark etgan. Gvardiola uni uyiga chaqirib klubda qolishga undagan. Shuning uchun Ture Gvardiola sababli "Siti"da qolishi mumkin.

Albatta, Ture Angliyada yutish mumkin bo'lgan barcha sovrinlarni yutdi. Endi "Manchester Siti" chempionlar ligasida g'olib chiqsa, zo'r bo'lar edi. Agar klub bu musobaqada g'olib chiqsa futbolchi jamoadan ketishi mumkin", - deydi Selyuk.