"Yuventus" bosh direktori Beppe Marotta klubning transfer rejalari haqida gapirarkan, jamoa hujumchisi Alvaro Morata haqida to'xtaldi.

"Moratani saqlab qolish qiyin bo'ladi. Undan ko'ra Dmeniko Berardini olib kelish osonroq. Alvaroni olib qolish - bosh maqsadlarimizdan biri, ammo kelishuv oddiy bo'lmaydi, hammasi bizning qo'limizda emas. Morataning o'zi bu erda baxtiyor, "Yuventus"da u o'zini uyidagidek tutadi", - deydi Marotta.

Eslatib o'tamiz, avvalroq "Yuventus" qayta sotib olish huquqidan voz kechishi uchun "Real"ga 20 million evro taklif qilgani xabar qilingan edi.