"Manchester Yunayted" jamoasi yaqinlashib kelayotgan transferlar vaqtida hujum chizig'ini kuchaytirish maqsadida "Napoli" hujumchisi Gonsalo Iguainni xarid qilishni rejalashtirmoqda, deya xabar beradi Mirror.

Shu maqsadda Manchester klubi bosh murabbiy Lui van Galning shaxsan o'zi argentinalik futbolchining Italiya chempionati 35-turida "Roma"ga qarshi kechgan bahsdagi o'yinini stadiondan kuzatib borgan. Manbada yozilishicha, "Manchester Yunayted" forvard uchun 90 mln. evro berishga tayyor.

Gonsalo Iguain 2013 yili "Real" "Napoli" tarkibiga kelib qo'shilgan. 28 yoshli hujumchi bu mavsum "A" seriyada 32 uchrashuvda maydonga tushib, 30 golga mualliflik qilgan. Ayni dam Iguain (30 gol) chempionatda eng yaxshi to'purarlar ro'yxatida yaqin ta'qibchisi Paulo Dibalani ("Yuventus") 14 golga ortda qoldirgan holda etakchilik qilmoqda.