«Sevilya» yarim himoyachisi Ever Banega faoliyatini «Inter»da davom ettiradigan bo'ldi. Bu haqda milanliklar vitse-prezidenti Xaver Dzanetti xabar tarqatdi.

«Klubimiz juda yaxshi ish olib bordi. Axir shunday darajadagi futbolchini bepul qo'lga kiritdik. Banega universal futbolchi hisoblanadi. U nafaqat hujumda, balki himoya zonasida ham o'ynay oladi. O'ylaymanki, u hozir faoliyatining eng yuqori cho'qqisi va formasida. Bunday o'yinchilar "Inter"ga hamisha kerak», – deya ta'kidladi Dzanetti.