«Barselona» hujumchisi Neymar «PSJ» tomonidan berilgan katta summadagi taklifga uchmadi. Braziliya terma jamoasi futbolchisi parijliklarning taklifini qat'iy rad etdi. Bu haqda Sport.es xabar tarqatdi.

«PSJ» Neymarning transferi uchun 190 mln evro taklif qilgan bo'ldi. Shuningdek, futbolchining o'zini jahonning eng ko'p maosh oladigan o'yinchiga aylantirishlari mumkin edi.

Avvalroq Neymar kataloniyaliklar bilan 2022 yilgacha bo'lgan yangi shartnoma borasida kelishuvga erishgani haqida xabar bergandik. Uning maoshi Lionel Messinikidan kamroq bo'ladi. Hujumchining tovon puli 220 mln. evroga ko'tariladi.