«Yuventus»ning o'ng qanot himoyachisi Shtefan Lixtshtayner faoliyatini «Chelsi»da davom ettirishi mumkin.

Shveytsariya terma jamoasining 32 yoshli futbolchisi «Chelsi» bilan uch yillik shartnoma borasida kelishib olgan, transfer summasi 11 million evroga teng bo'ladi.

Xabar berishlaricha, «Yuventus» jamoasi «Barselona» himoyachisi Dani Alvesh bilan shartnoma imzolashi bilan, Lixtshtaynerning «Chelsi»ga o'tgani e'lon qilinadi.

Ma'lumot uchun, Lixtshtayner «Chelsi»ning bo'lajak bosh murabbiyi — Antonio Konte bilan uning «Yuventus»dagi faoliyatidan beri yaxshi tanish.