Eron terma jamoasi hujumchisi Sardor Azmunga Portugaliyaning "Benfika" klubi qiziqish bildirmoqda. Hozircha "burgutlar"ning 21 yoshli futbolchiga nisbatan qiziqishi qay darajada jiddiy ekani haqida ma'lumotlar yo'q.

Huquqiy jihatdan Rossiyaning "Rubin" klubiga tegishli bo'lgan Azmun, yakunlangan mavsumni "Rostov" safida o'tkazdi. U Rossiya Premer-Ligasida 24ta o'yinda maydonga tushib, 9ta gol urishga muvaffaq bo'ldi. Rostovliklar musobaqada 2-o'rinni egallashdi. Azmunning «Rubin» bilan shartnomasi bir yildan keyin yakuniga etadi.