«Roma» hujumchisi Franchesko Totti kelasi haftada o'z jamoasi bilan shartnomani uzaytiradi, deya xabar tarqatdi La Gazzetta dello Sport.

Yangi shartnoma bir yilga mo'ljallangan bo'ladi. Futbolchi yangi shartnomaga 6 iyun, dushanba kuni imzo chekishi rejalashtirilmoqda. Shartnoma imzolash jarayonida "Roma" prezidenti Jeyms Pallotta ishtirok etadi.

Shartnoma imzolanganidan keyin Totti matbuot anjumanida ishtirok etmaydi. Anjuman "Roma"ning yangi mavsum oldidan o'tkazadigan turne paytida uyushtiriladi.

Yakunlangan mavsumda Totti «Roma» safida 15ta o'yinda maydonga tushib, 5ta gol urdi va 4ta golga assistentlik qildi. Mavsum davomida Franchesko va jamoa bosh murabbiyi Luchano Spalletti o'rtasida kelishmovchiliklar yuzaga keldi. Rimliklar afsonasi kam o'yin amaliyotiga ega bo'lganidan norozilik birdirgandi.