Jeymi Vardi o'zining sobiq jamoasi «Flitvud Taun»ga yaxshigina mablag' keltirishi mumkin. Uning «Lester»dan «Arsenal»ga o'tishi uchun to'lanadigan mablag'ning bir qismi shu jamoa g'aznasiga kelib tushadi.

Vardining shartnomasida u «Lester»dan ketadigan bo'lsa, transfer summasining 25 foizi uning avvalgi jamoasi «Flitvud Taun»ga o'tishi haqida band mavjud.

Shu tariqa, ayni vaqtda uchinchi divizion vakili bo'lgan jamoa yaqin vaqt ichida tuziladigan transfer shartnomasi orqali 5 million funtdan ortiq mablag' ishlab oladi.

Bundan oldinroq, «Arsenal» Vardini 20–22 million funt evaziga transfer qilishi haqida xabarlar berilgandi.