«PSJ» himoyachisi Gregori van der Vil «Roma»ga o'tishga yaqin turibdi. 

Gollandiyalik futbolchi bugun Rimga kelib, «Roma» sport direktori Valter Sabatini bilan muzokaralar o'tkazdi.

Van der Vil yillik maoshi uch million evroga teng uch yillik shartnoma imzolashga umid qilmoqda. Rim klubi esa yiliga 2,5 million evrodan ortiq to'lashni istamayapti. 

Agar tomonlar bir-biriga yon bera olsa, transfer haqida bugunning o'zidayoq rasman ma'lum qilinadi.

Eslatib o'tamiz, van der Vilning transferi erkin agent huquqida amalga oshiriladi, chunki futbolchining «PSJ» bilan shartnomasi yakuniga etib bormoqda.