Madridning «Real» jamoasi o'zining rossiyalik yarimhimoyachisi Denis Cherishev «Vilyarreal»ga transfer qilinganini tasdiqladi.

25 yoshli futbolchi yangi jamoasi bilan 2021 yilgacha bitim tuzgan.

Tomonlar transfer qiymatini e'lon qilishmagan. Lekin bundan oldinroq manbalarda «Vilyarreal» ushbu futbolchi uchun 7 million evro to'lagani aytilgandi.

Cherishev bundan oldin ham, 2014-15 yilgi mavsumda «sariq submarinalar» safida ijara asosida o'ynagan va 40 uchrashuvda 7 gol urib, 10 marta golli uzatma muallifi bo'lgandi.