Hujumchi Alvaro Morataning "Real"dagi taqdiri noma'lumligicha qolmoqda.

Madridliklar iyun oyida 23 yoshli futbolchini "Yuventus"dan 30 million evro evaziga qayta sotib olgan edilar.

Morataning agenti Xuanma Lopes shu haftada "Real" rahbariyati bilan uchrashib, vaziyatga aniqlik kiritadi.

As nashri xabariga ko'ra, Morata jamoada ikkinchi rollarni bajarmoqchimas va "Yuventus"dagidan (yiliga 4 million evro) ko'proq maosh olmoqchi . "Arsenal" klubi esa unga yillik 9 million evro maosh taklif qilmoqda. Ammo "Real" uning "Yuve"dagi maoshini bermoqchi.

Madridliklarning bosh murabbiyi Zinedin Zidan jamoaning Kanadadagi mavsumoldi tayyorgarligi davomida futbolchi bilan shaxsan suhbatlashmoqchi.