Diego Kosta bo'lajak mavsumda ham «Chelsi» safidagi faoliyatini davom ettiradi.

The Telegraph axborotiga ko'ra, 27 yoshli ispaniyalik futbolchi «Atletiko»ga qaytish niyatidan qaytgan.

Ayni vaqtda, «Chelsi»ning yangi bosh murabbiyi Antonio Konte Mishi Batshuayidan so'ng yana bir hujumchini sotib olishi mumkin.

Bunda gap «Real Madrid» 50 million funtga sotmoqchi bo'layotgan Alvaro Morata haqida ketmoqda. Zaxira varianti sifatida «Sautgempton» hujumchisi Gratsiano Pelle ko'rilmoqda.

Bundan tashqari, Konte «Lester» tayanch yarim himoyachisi Ngolo Kante va «Napoli» markaziy himoyachisi Kalidu Kulibaliga ham qiziqish bildirmoqda.

Bo'lajak mavsumda italiyalik murabbiy 4-2-4 taktikasi asosida to'p surishni rejalashtirmoqda, bunda qanotlarda Eden Azar va Villian harakat qiladi.