"Manchester Yunayted" klubi "Yuventus" yarimhimoyachisi Pol Pogba bilan shaxsiy shartnomasini kelishib oldi.

Gianlucadimarzio.com xabariga ko'ra, 23 yoshli futbolchi har xil soliqlardan tashqari yiliga 13 million evrolik maosh taklifini qabul qildi.

Evro-2016 musobaqasidan so'ng "MYu" Pogba uchun "Yuventus"ga rekord miqdordagi taklifni bildiradi - 120 million evro.

Hozircha dunyoning eng qimmat futbolchi 2013 yilda 100 million evro evaziga "Tottenhem"dan "Real"ga o'tgan yarimhimoyachi Garet Beyl bo'lib turibdi.

Pogba to'rt yil muqaddam "MYu"dan "Yuventus"ga erkin agent sifatida o'tgan edi.