Lissabonning «Sporting» klubi «Real» yarimhimoyachisi Lukas Silvaning transferidan voz kechdi. As xabariga ko'ra, tibbiy ko'rik davomida 23 yoshli braziliyalik futbolchining yuragi xasta ekani aniqlangan.

«Sporting» klubi oldin futbolchini ijaraga olib, mavsum yakunlangandan so'ng to'liq sotib olish niyatida edi. «Real» uni 2015 yilda «Kruzeyro» klubidan 14 million evroga sotib olib, «Marsel» klubiga ijaraga bergandi.