Lissabonning «Sporting» klubi hujumchisi Islom Slimani Italiyaning etakchi klublaridan biri qiziqish doirasiga tushib qoldi.

Gianlucadimarzio.com xabariga ko'ra, «Napoli» uni xarid qilishga bel bog'lagan. 28 yoshli jazoirlik futbolchi bilan «Everton», «Volfsburg» va «Aston Villa» ham qiziqmoqda.

Neapolliklar «Ayaks» hujumchisi Arkadiush Milikni transferini amalga oshirolmagach, Slimani, Mauro Ikardi va Simone Dzadza nomzodini ko'rib chiqishmoqda.

O'tgan mavsumda u Portugaliya chempionatining 33 o'yinida maydonga tushib, 27 gol urishga muvaffaq bo'ldi.