"Valensiya" yarim himoyachisi Andre Gomeshning «Barselona»ga o'tish jarayoni deyarli yakunlandi.

Futbolchi kataloniyaliklar bilan 5 yillik shartnoma imzolaydi. Shartnomada tovon puli sifatida 100 million evro belgilanadi. Gomesh tibbiy ko'rikdan o'tganidan keyin chorshanba kuni shartnoma rasman imzolanadi.

«Barselona» uning transferi uchun «Valensiya»ga 35 million evro to'ladi. Yana 20 million evro bonus sifatida to'lanishi ko'zda tutilgan. Bundan tashqari, Gomesh bir necha marta «Oltin to'p»ni qo'lga kiritsa, valensiyaliklar qo'shimcha 15 million evro olishadi.