«Lion» rahbariyati «Arsenal» jiddiy qiziqish bildirayotgan hujumchi Aleksandr Lakasettni o'z tarkibida saqlab qolmoqchi. 

The Telegraph’ning yozishicha, «Lion» 25 yoshli frantsiyalikka yangi shartnoma taklif qilmoqda, biroq futbolchi faoliyatini Londonda davom ettirishni istayapti. 

«Lion» klubi «Arsenal»ning Lakasettni sotib olish bo'yicha 35 mln evrolik dastlabki taklifini rad etib, 50 mln so'ragan edi. Endi «to'pchilar» futbolchi uchun 41,5 mln evro taklif qilmoqda.

Ma'lumot uchun, futbolchining «Lion» bilan amaldagi shartnomasi 2019 yil iyuniga qadar mo'ljallangan.