«Vest Xem» klubi «Manchester Siti» va «Napoli» ham da'vogarlik qilayotgan «Suonsi» yarim himoyachisi Andre Ayyuni sotib olish fikridan hali ham qaytmagan. 

Daily Mail axborotiga ko'ra, uelsliklar 26 yoshli ganalikni 16 million funt evaziga londonliklarga sotishdan bosh tortgan, endi «Vest Xem» o'z taklifini 20 milliongacha oshirdi. 

«Vest Xem» rahbariyati «Lion» hujumchisi Aleksandr Lakasettga «Arsenal» taklif qilayotgan maoshni to'lay olmasligi aniq bo'lgani sabab kurashdan chiqqanidan so'ng, bor e'tiborini Ayyuga qaratgan. 

Ma'lumot uchun, Andre Ayyu Angliya chempionatining o'tgan mavsumida 34 uchrashuvda maydonga tushib, 12 ta gol urgan va 5 ta golga hammualliflik qilgan.