"Yuventus" jamoa yarimhimoyachisi Pol Pogbaning "Manchester Yunayted"ga o'tganini tasdiqladi.

Angliya klubi 23 yoshli frantsuz uchun ikki yil davomida 105 million evro to'laydi va ma'lum shartlarga ko'ra transfer summasiga 5 million evro qo'shilishi mumkin.

Ushba kelishuvda "Yuventus"ning sof foydasi 72,6 million evro bo'lganligi aytilmoqda.

Agar besh yil davomida Pogba klub bilan shartnomasini uzaytirsa yoki boshqa klubga 50 mln evrodan yuqori narxga sotilsa "MYu" yana 5 million evro bonusni to'laydi.

Bundan tashqari futbolchining agenti Mino Rayola ushbu transferdan 20 million evro komissiya oladi. Bu summani har ikki klkb teng ulushda to'laydi.