Pol Pogba dunyo rekordi darajasidagi narxga “MYu”ga o'tdi. Rostanam shu futbolchi shu bahoga arziydimi yoki yo'qmi, bu boshqa masala va bu haqida ham balki keyinroq gaplasharmiz. Bu jarayonda mening e'tiborimni jalb qilgan jihat boshqa – Joze Mourinyuning pozitsiyasi. Ma'lum bo'lishicha, u klubga kelgan ilk kunlaridayoq narxidan qat'i nazar Pogba kerakligini klubga ma'lum qilgan.

Bir paytlar, Pep Gvardiola “Bavariya”ni tanlaganda, ko'pchilik uni qo'rqoqlikda ayblagandi. Men bunga keskin qarshi chiqqandim. Aksincha, “Maynts” yoki “Hamburg” emas “Bavariya”ni tanlash botirlikdir. 8-o'rindagi “Maynts”ni 6-o'ringa ko'tarib, ba'zi uchrashuvlarda ajoyib o'yin ko'rsatib, baxtli yashash mumkin, ammo “Bavariya”da faqat bitta natijani kutadilar. Mana shu bosimda ishlash qiyinroqmasmi? “Bavariya” katta ustunlik bilan Germaniya chempionligini qo'lga kiritgan bo'lsa-da, Gvardiolaga nari borsa, o'z ishini, boshqa har qanday murabbiy ham qila oladigan ishni qilgandek qarab turibmiz xolos.

Fergyusondan keyin “MYu” turli xarakterdagi murabbiylarni ko'rdi. David Moyes rahbariyat taqdim qilgan sharoitdan kelib chiqqan holda, natija ko'rsatishga harakat qilardi. “Fabregasni olib beraylikmi? – Mayli. Yoki Krooschi? – Bo'laveradi. O'xshamayapti, Errerani olsakchi? – Hm. Jamoa doim 6 bahoga kuchli o'ynaydi. Gap so'zlariyam ko'proq shiorga o'xshardi – biz hali kuchayamiz, biz hali falon darajaga etamiz, biz hali...

Lui van Gaal - futbol faylasufi. Futbolga o'z qarashi bor va bu qarashlarning amaliyotga ko'chirish asosiy istagi. U rahbariyat bilan til biriktirib olgan holda, birgalikda bir nimalar qiladi. Iguainni sotvolib chap qanotda o'ynatib ko'rsammikin... U erda Di Mariya borku? Di Mariyani markaziy himoyachi qilamiz. Smolling esa, hujumda o'ynaydi. Qani, nima bo'larkin... O'xshaydi, o'xshamaydi. Tushunarli yoki tushunarsiz. Jamoa ba'zida 9 bahoga, ba'zida 1 bahoga o'ynaydi. Gap so'zlaridan doim nimanidir tushuntirayotganga o'xshaydi – jamoa mana bu jihatdan mana bu bosqichga keldi, o'yinimizni tashkil qilish mana bunday bo'lyapti, poydevor qilyapmiz, tomni yopyapmiz, falon vaqtdan keyin...
Mourinyu ikkalasiga ham o'xshamaydi. U hech qachon Moyes kabi, rahbariyatning g'oyasi va ular bergan sharoitga o'z nomini qurbon qilishni istamaydi. U hech qachon Lui van Gaal kabi, u va rahbariyatning birgalikda, aralashgan holda tilga olinishiga rozi bo'lmaydi. U klubdagi o'z joyini, rahbariyatning joyini aniq belgilaydi va talab qiladi – falon falon shartlarimni bajarib bering va men falon-falon natijalarni sizga beraman. Tamom.

Albatta, bunday yo'nalishda ishlaydigan murabbiylar oz emas, ammo bir yuz yigirma millionga bir futbolchi olishga hammayam botina olarmidi? Axir Pogbaning Angliyada qay darajada o'ynab ketishida o'ziga yarasha risk bor. Ertaga shu risk amalga oshib, Pogba ishonchni oqlamasa, bor kaltak Mourinyuning boshida sinadi-ku. Undan ko'ra, klub tavsiya qilgan boshqa variantlarni qabul qilib, mabodo natija bo'lmay qolsa, “Men Pogbani aytgan edim” deb, hech bo'lmasa, ichkarida o'zini oqlashi osonroq bo'lmasmidi? Mourinyu shunchalik tavakkalchimi yoki shu darajada o'ziga ishonadimi? Bir yuz yigirma millionlik transfer yukini ko'tarib, bu bosim ostida ishlash oson emas axir. Siz jamoangizda qanday murabbiy ishlashini istagan bo'lardingiz?

Masalan, terma jamoamizni olaylik. Terma jamoamizda ishlagan murabbiylarni. Mirjalol Qosimovni men Moyesga o'xshataman. Har qanday sharoitda ishlashga rozi bo'laveradi. Tashkilotchilikdagi muammolargayam ko'z yumib, mavjud sharoitdan biror nima chiqarishga harakat qiladi. Vadim Abramov esa - Lui van Gaal. O'zi ham rahbariyatning bir bo'lagiga aylanib, bir nimalar qilib yuradi. Qanaqadir g'oyalar ortidan ergashadi.

Biz shu paytgacha jahon chempionatimizga chiqa olmayapmizmi, demak, o'z talablarini qo'yib, o'sha bosim ostida ishlab, natija ko'rsata oladigan murabbiy ishlamagan hali. Qaniydi, bir kun kelib, bir murabbiy “menga mana bu sharoitlarni qilib bering, mana bu terma jamoalar bilan o'rtoqlik o'yini uyushtirib bering, shunda jamoani jahon chempionatiga olib chiqaman” deb aytsa...

Bir-birimizni tabriklasak bo'ladigan voqea bo'lardi bu...

Pol Pogba dunyo rekordi darajasidagi narxga “MYu”ga o'tdi. Rostanam shu futbolchi shu bahoga arziydimi yoki yo'qmi, bu boshqa masala va bu haqida ham balki keyinroq gaplasharmiz. Bu jarayonda mening e'tiborimni jalb qilgan jihat boshqa – Joze Mourinyuning pozitsiyasi. Ma'lum bo'lishicha, u klubga kelgan ilk kunlaridayoq narxidan qat'i nazar Pogba kerakligini klubga ma'lum qilgan.

Bir paytlar, Pep Gvardiola “Bavariya”ni tanlaganda, ko'pchilik uni qo'rqoqlikda ayblagandi. Men bunga keskin qarshi chiqqandim. Aksincha, “Maynts” yoki “Hamburg” emas “Bavariya”ni tanlash botirlikdir. 8-o'rindagi “Maynts”ni 6-o'ringa ko'tarib, ba'zi uchrashuvlarda ajoyib o'yin ko'rsatib, baxtli yashash mumkin, ammo “Bavariya”da faqat bitta natijani kutadilar. Mana shu bosimda ishlash qiyinroqmasmi? “Bavariya” katta ustunlik bilan Germaniya chempionligini qo'lga kiritgan bo'lsa-da, Gvardiolaga nari borsa, o'z ishini, boshqa har qanday murabbiy ham qila oladigan ishni qilgandek qarab turibmiz xolos.

Fergyusondan keyin “MYu” turli xarakterdagi murabbiylarni ko'rdi. David Moyes rahbariyat taqdim qilgan sharoitdan kelib chiqqan holda, natija ko'rsatishga harakat qilardi. “Fabregasni olib beraylikmi? – Mayli. Yoki Krooschi? – Bo'laveradi. O'xshamayapti, Errerani olsakchi? – Hm. Jamoa doim 6 bahoga kuchli o'ynaydi. Gap so'zlariyam ko'proq shiorga o'xshardi – biz hali kuchayamiz, biz hali falon darajaga etamiz, biz hali...

Lui van Gaal - futbol faylasufi. Futbolga o'z qarashi bor va bu qarashlarning amaliyotga ko'chirish asosiy istagi. U rahbariyat bilan til biriktirib olgan holda, birgalikda bir nimalar qiladi. Iguainni sotvolib chap qanotda o'ynatib ko'rsammikin... U erda Di Mariya borku? Di Mariyani markaziy himoyachi qilamiz. Smolling esa, hujumda o'ynaydi. Qani, nima bo'larkin... O'xshaydi, o'xshamaydi. Tushunarli yoki tushunarsiz. Jamoa ba'zida 9 bahoga, ba'zida 1 bahoga o'ynaydi. Gap so'zlaridan doim nimanidir tushuntirayotganga o'xshaydi – jamoa mana bu jihatdan mana bu bosqichga keldi, o'yinimizni tashkil qilish mana bunday bo'lyapti, poydevor qilyapmiz, tomni yopyapmiz, falon vaqtdan keyin...
Mourinyu ikkalasiga ham o'xshamaydi. U hech qachon Moyes kabi, rahbariyatning g'oyasi va ular bergan sharoitga o'z nomini qurbon qilishni istamaydi. U hech qachon Lui van Gaal kabi, u va rahbariyatning birgalikda, aralashgan holda tilga olinishiga rozi bo'lmaydi. U klubdagi o'z joyini, rahbariyatning joyini aniq belgilaydi va talab qiladi – falon falon shartlarimni bajarib bering va men falon-falon natijalarni sizga beraman. Tamom.

Albatta, bunday yo'nalishda ishlaydigan murabbiylar oz emas, ammo bir yuz yigirma millionga bir futbolchi olishga hammayam botina olarmidi? Axir Pogbaning Angliyada qay darajada o'ynab ketishida o'ziga yarasha risk bor. Ertaga shu risk amalga oshib, Pogba ishonchni oqlamasa, bor kaltak Mourinyuning boshida sinadi-ku. Undan ko'ra, klub tavsiya qilgan boshqa variantlarni qabul qilib, mabodo natija bo'lmay qolsa, “Men Pogbani aytgan edim” deb, hech bo'lmasa, ichkarida o'zini oqlashi osonroq bo'lmasmidi? Mourinyu shunchalik tavakkalchimi yoki shu darajada o'ziga ishonadimi? Bir yuz yigirma millionlik transfer yukini ko'tarib, bu bosim ostida ishlash oson emas axir. Siz jamoangizda qanday murabbiy ishlashini istagan bo'lardingiz?

Masalan, terma jamoamizni olaylik. Terma jamoamizda ishlagan murabbiylarni. Mirjalol Qosimovni men Moyesga o'xshataman. Har qanday sharoitda ishlashga rozi bo'laveradi. Tashkilotchilikdagi muammolargayam ko'z yumib, mavjud sharoitdan biror nima chiqarishga harakat qiladi. Vadim Abramov esa - Lui van Gaal. O'zi ham rahbariyatning bir bo'lagiga aylanib, bir nimalar qilib yuradi. Qanaqadir g'oyalar ortidan ergashadi.

Biz shu paytgacha jahon chempionatimizga chiqa olmayapmizmi, demak, o'z talablarini qo'yib, o'sha bosim ostida ishlab, natija ko'rsata oladigan murabbiy ishlamagan hali. Qaniydi, bir kun kelib, bir murabbiy “menga mana bu sharoitlarni qilib bering, mana bu terma jamoalar bilan o'rtoqlik o'yini uyushtirib bering, shunda jamoani jahon chempionatiga olib chiqaman” deb aytsa...

Bir-birimizni tabriklasak bo'ladigan voqea bo'lardi bu...

Qahramon Aslanov