«Inter» yaqin vaqt ichida «Sporting» yarim himoyachisi Joau Mariuni o'z tarkibiga qo'shib olish jarayonini yakunlashi mumkin. 

Xabar berishlaricha, futbolchi dushanba kuni tibbiy ko'rikdan o'tish uchun Italiyaga keladi. 

Portugaliyalikning transferi uchun Milan klubi, bonuslari bilan qo'shib hisoblaganda, 45 mln evro to'laydi. 

«Inter» moliyaviy feyr-pley masalasida muammoga duch kelmasligi uchun, «Sporting» transfer pulini taqsimlashga tayyor. 

Unga ko'ra, «Sporting»ga dastlab 10 million evro to'lanadi, so'ng 35 millionlik ikkinchi transh amalga oshiriladi. 

Besh yillik shartnomaga muvofiq, 23 yoshli futbolchi yiliga 3 million evro miqdorida maosh oladi.