"Manchester Siti" ushbu haftada "Barselona" bilan darvozabon Klaudio Bravoning transferini kelishib olmoqchi.

Goal.com xabariga ko'ra, angliyaliklar chorshanba kuni "Sevilya"ga qarshi Ispaniya Superkubogi javob uchrashuvidan kataloniyaliklar bilan muzokara boshlamoqchilar.

"Siti" dastlab "Barselona"ning boshqa darvozaboni Mark-Andre ter Shtegenni sotib olmoqchi edi, ammo uning uchun kataloniyaliklar 66 million evro talab qilishdi.

Xabarlarga ko'ra, Bravo "shaharliklar" bilan shaxsiy shartnomasini kelishib olgan, uning transfer summasi 20-25 million evro atrofida bo'lishi kutilmoqda.