«Barselona» futbolchilari Munir el-Haddodiy va Serji Samper yaqin kunlarda jamoani tark etishi mumkin.

Munirni qo'lga kiritish uchun «Real Sosedad» va «Selta» klublari taklif yuborishgan. Shuningdek, unga A seriya va APLning bir nechta klublari qiziqish bildirishmoqda. Kataloniyaliklar «Valensiya»dan hujumchi Pako Alkaserni xarid qilishsa, Munir jamoani tark etadi.

Samperni esa «Valensiya» va «Granada» jamoalari ijaraga olishmoqchi. "Barselona" bosh murabbiyi Luis Enrike hozircha Serjining xizmatiga ehtiyoj sezmayapti.